• Басты бет
• Государство
• Алматы әуежайының шатырын қалпына келтіру алты айға дейін созылуы мүмкін

Алматы әуежайының шатырын қалпына келтіру алты айға дейін созылуы мүмкін

Су басу оқиғасынан кейін әуе айлағының техникалық мәселелер жөніндегі вице-президенті тәртіптік жауапкершілікке тартылды

Терминалды су басуына байланысты Алматы халықаралық әуежайына қатысты шаралар қабылданды, деп хабарлайды Kapital.kz іскерлік ақпарат орталығы Азаматтық авиация комитетінің баспасөз қызметіне сілтеме жасап.

«Қазақстан Республикасы Көлік министрлігінің басшылығы құқық қорғау органдарымен бірлесіп, Алматы халықаралық әуежайының әкімшілігімен терминал шатырының су басу оқиғасына қатысты шұғыл кеңес өткізді. Азаматтық авиация комитеті тарапынан әуежай Қазақстан Республикасының Әкімшілік құқық бұзушылық туралы кодексіне сәйкес әкімшілік жауапкершілікке тартылды. Әуежай басшысы техникалық мәселелерге жетекшілік ететін аға вице-президент Мехмет Гюзельге қатысты тәртіптік жаза қолданды», – делінген хабарламада.

Әуежай өз кезегінде жолаушылардан келтірілген қолайсыздықтар үшін кешірім сұрады. Қазіргі уақытта анықталған кемшіліктерді жою бойынша шаралар күшейтіліп, барлық қажетті жұмыстар жедел режимде жүргізілуде, деп хабарлады комитет.

Жұмыстарды аяқтау және су басу себептерін толық жою алты ай ішінде жоспарланып отыр, деп нақтылады комитетте.

Қазақстан Республикасы Көлік министрлігі мұндай заңбұзушылықтардың дереу жолы кесілетінін, азаматтық авиация саласындағы заңнама талаптарының сақталуына және авиациялық инфрақұрылым нысандарының үздіксіз жұмысына қатаң бақылау қамтамасыз етілетінін атап өтті.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз