Kaspi.kz жеке AI-көмекшісі Kasper-ді таныстырды
Жаңа сервис миллиондаған тауар арасынан ең қолайлы нұсқаны таңдауға көмектеседі
«Егер Kaspi маған дәл өзіме лайықты тауарды таңдауға көмектессе қайтеді?» Осындай сұрақты Алматыда өткен таныстырылымда Kaspi.kz-тің басшысы әрі негізін қалаушылардың бірі Михаил Ломтадзе қойды. Жауап ретінде компания өзінің жаңа қызметі – жеке AI-көмекші Kasper-ді таныстырды.
Kasper қазақстандықтарға Kaspi Дүкеннен тауарды жылдам әрі ыңғайлы таңдауға көмектеседі. Жаңа сервис қазақ және орыс тілдерінде жұмыс істейді, дауыстық және мәтіндік сұраныстарды түсінеді, нақтылау сұрақтарын қояды, күрделі сипаттамаларды қарапайым тілмен түсіндіреді, тауарларды салыстырып, ең қолайлы нұсқаны ұсынады.
Таныстырылым 1 шілдеде Алматыда «Әдеттегіні өзгерту уақыты келді!» ұранымен өтті. Ұйымдастырушылар соңғы сәтке дейін кештің не туралы болатынын жариялаған жоқ. Қонақтарға берілген жалғыз ишара – жұмбақ виртуалды көмекшінің бейнесі салынған декорациялар болды.
Михаил Ломтадзенің айтуынша, бүгінде сатып алушылар үшін басты қиындық – тауарды табу емес, миллиондаған ұсыныстың ішінен өзіне лайықтысын таңдау.
«Kaspi Дүкенде қазірдің өзінде 20 миллион тауар бар. Біз күрделі терминдерді қарапайым тілмен түсіндіретін, дұрыс таңдау жасауға көмектесетін, түрлі модельдерді салыстыратын және пайдаланушының нақты қажеттілігін түсінетін көмекші жасағымыз келді», – деді ол.
Жаңа AI-көмекші Kasper деп аталады. Онымен қазақ және орыс тілдерінде мәтін немесе дауыс арқылы сөйлесуге болады.
Михаил Ломтадзенің айтуынша, компанияның мақсаты – жеке көмекшіні әрбір адамға қолжетімді ету.
«Егер жеке көмекші тек басшыларда немесе аз ғана адамның қолында болмай, Kaspi қосымшасындағы әрбір қазақстандыққа қолжетімді болса, өте жақсы болар еді. Ол күнделікті міндеттерді әлдеқайда оңай әрі жылдам шешуге көмектеседі», – деді ол.
Kasper-ді алғаш болып таныстырылым қонақтары сынап көрді. Жаңа AI-көмекші іске қосылғаны жарияланғаннан кейін бірден іс-шараға қатысушылардың барлығының Kaspi.kz қосымшасында пайда болды.
Кәсіпкер Виктория Моминбаева алғашқы сатып алуын небәрі бір минут ішінде жасап үлгергенін айтты.
«Бүгін Kasper арқылы алғашқы сатып алушы мен болдым. Залдан шықпай тұрып өзіме құлаққап сатып алдым. Қай үлгісі маған қолайлы екенін, жеткізуі ең жылдам әрі ұшақта пайдалануға ыңғайлы болатынын сұрадым. Бір минуттың ішінде сатып алу рәсімделді», – деді ол.
Телерадио жүргізушісі Анель Алиаскардың пікірінше, AI-көмекші күнделікті сауда жасауды бұрынғыдан да жеңілдетеді.
«Ең озық идеялар әрдайым Kaspi-де пайда болады. Меніңше, Kaspi AI жақын болашақта күнделікті өмірді онсыз елестету қиын болатын функциялардың біріне айналады. Мен бес баланың анасымын және тауарды өзім таңдағанды ұнатамын, бірақ бұл көп уақыт алады. Енді таңдау әлдеқайда жылдам болады. Бұл шынымен керемет», – деді ол.
Фотограф Дмитрий Доценко көмекшіні әдеттен тыс сұраныспен тексеріп көрген.
«Мен Kasper-ден құстарды түсіруге арналған объектив таңдауды сұрадым. Ол фотоаппаратымның қандай екенін және құстарды ұшып жүргенде ме, әлде ағашта отырғанда ма түсіретінімді нақтылады. Содан кейін лайықты нұсқаны ұсынды. Бұл расында уақытты үнемдейді», – деді ол.
Блогер әрі музыкант Александр Цойды жаңа сервистің қосымшада бірден пайда болғаны таңғалдырған.
«Маған бұл идея өте ұнады. Қосымшаны ашсам, Kasper дайын тұр екен. Бұл сиқыр сияқты әсер қалдырды», – деді ол.
Шілде айының ішінде AI-көмекші Алматы тұрғындарына қолжетімді болады. Одан кейін сервис кезең-кезеңімен Қазақстанның барлық пайдаланушысына ұсынылады.
Kaspi.kz компаниясында тауар таңдауға көмектесу – Kasper дамуының алғашқы кезеңі ғана екенін атап өтті. Алдағы уақытта жеке AI-көмекші қазақстандықтарға басқа да күнделікті міндеттерді шешуге жәрдемдесетін болады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
