Қазақстанда электромобильдер саны артып келеді
Елде тіркелген электрокөліктердің 62%-ы Алматының үлесінде
Қазақстанда тіркелген электромобильдер саны бір жылда 55,6%-ға артты. Бұл туралы Kapital.kz іскерлік ақпарат орталығы Ұлттық статистика бюросына сілтеме жасап хабарлайды.
«2026 жылғы 1 маусымдағы жағдай бойынша Қазақстанда 24 634 жеңіл электромобиль тіркелген. Соңғы 12 айда олардың саны 55,6%-ға өсті. Бір жыл бұрын елде 15 835 электрокөлік болған», – деп хабарлады статистика ведомствосы.
Ведомство мәліметінше, елдегі электромобильдердің ең көп бөлігі Алматыда шоғырланған. Қалада 15 280 электрокөлік тіркелген, бұл республикадағы барлық электромобильдің 62%-ын құрайды.
Электромобиль саны бойынша көш бастап тұрған өңірлер үштігіне сондай-ақ Астана қаласы (2 885 электромобиль) мен Алматы облысы (1 589 электромобиль) кіреді.
Электромобильдер Қазақстанның барлық өңірінде тіркелгенімен, олардың таралуы біркелкі емес. Ең төмен көрсеткіш Абай облысында – 78, ал Ұлытау облысында 41 электромобиль тіркелген.
Еске салайық, бұған дейін Қазақстанда электромобильлердің автомобиль нарығындағы үлесі небәрі 0,5%-ды құрайтыны хабарланған болатын.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
