Қазақстанда ішкі сауда бір жылда 5,6%-ға өсті
Сауда белсенділігінің артуына негізінен көтерме сауда секторлары септігін тигізген
2026 жылдың қаңтар-мамыр айларының қорытындысы бойынша Қазақстанның ішкі саудасында өсім байқалды. Бір жылдық көрсеткіш бойынша өсім 5,6%-ды құрады, деп хабарлайды Kapital.kz іскерлік ақпарат орталығы Ұлттық статистика бюросына сілтеме жасап.
«Сауда саласының нақты көлем индексі өткен жылдың тиісті кезеңімен салыстырғанда 105,6%-ға жетті. Көтерме сауда көлемі 19,6 трлн теңгеге жетіп, өткен жылдың сәйкес кезеңімен салыстырғанда 6,5%-ға артты. Бұл елдегі сауда белсенділігінің артуына басты себеп болды», - деп хабарлайды статистика ведомствосы.
Бөлшек сауда бағытында да өсім бар. Ұлттық статистика бюросының мәліметінше, бес айдың ішінде бөлшек сауда көлемі салыстырмалы бағамен 3,6%-ға артып, 9 трлн теңгені құрады.
Сауда көлемі жағынан Алматы (жалпы көлемдегі үлесі – 34,5%) мен Астана (13,9%), сондай-ақ Атырау (11,5%), Қарағанды облыстары (6,1%) және Шымкент қаласы (5%) алдыңғы қатарда.
Бұған дейін көтерме және бөлшек сауда арасындағы алшақтық туралы хабарланған болатын.
Жоғары пайыздық мөлшерлемелер мен бөлшек несие беру талаптарының қатаңдауы тұтынушылық сұранысқа кері әсерін тигізіп отыр.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
