- Басты бет
- Экономика
- Шығыс Қазақстан облысында бизнесті қолдауға 8 миллиард теңгеден астам қаражат бөлінеді
Шығыс Қазақстан облысында бизнесті қолдауға 8 миллиард теңгеден астам қаражат бөлінеді
Бұл туралы Ұлттық экономика вице-министрі Ерлан Сағынаев мәлімдеді.
Ұлттық экономика вице-министрі Ерлан Сағынаев Шығыс Қазақстан облысына жасаған жұмыс сапары барысында DEMEY оңалту және түзету орталығында, «Молочный экспресс» кәсіпорнында болды. Сондай-ақ ол ауыл шаруашылығы өнімдерін сақтау, өңдеу және өткізу инфрақұрылымының маңызды нысанына айналатын, қазіргі уақытта құрылысы жүріп жатқан «Алтай» көтерме-тарату орталығының жұмысымен танысты. Бұл туралы министрліктің баспасөз қызметі хабарлады.
Сонымен қатар, вице-министр жергілікті кәсіпкерлермен, «Атамекен» өңірлік кәсіпкерлер палатасының, салалық қауымдастықтар мен мемлекеттік органдардың өкілдерімен кездесті. Ерлан Сағынаев кәсіпкерлікті мемлекеттік қолдау шаралары мен жеңілдікпен қаржыландыру тетіктерін түсіндіріп берді.
Жиынға қатысушылар агроөнеркәсіптік кешен, сауда, туризм, логистика және өнеркәсіпті дамыту мәселелеріне баса мән берді. 2026 жылы Шығыс Қазақстан облысында кәсіпкерлікті қолдауға 8 миллиард теңгеден астам қаражат қарастырылған.
Мәселен, «Іскер аймақ» субсидиялау бағдарламасы аясында жалпы құны 297,4 миллион теңге болатын 3 жоба қолдау тапты. Қазіргі уақытта жалпы сомасы 1,48 миллиард теңгені құрайтын тағы 13 жобаның мақұлдануы күтілуде.
Кепілдік беру құралы бойынша жыл басынан бері несие сомасы 16,4 миллиард теңге болатын 38 жоба мақұлданды, оның ішінде кепілдік көлемі — 6,4 миллиард теңге.
Ал агроөнеркәсіптік кешен субъектілерін қолдау бағдарламасы аясында көктемгі егіс және өнім жинау жұмыстарын жүргізу үшін жалпы құны 14,3 миллиард теңгелік 46 жобаға қолдау көрсетілді (оның ішіндегі кепілдік сомасы 12,1 миллиард теңгеге жетті).
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
