Мемлекет басшысы Токио губернаторын І дәрежелі «Достық» орденімен марапаттады
Юрико Коикэ Қазақстан мен Жапония арасындағы достық байланысты нығайтуға қосқан елеулі үлесі үшін наградаға ие болды
Қасым-Жомарт Тоқаев Юрико Коикэні Қазақстан мен Жапония арасындағы достық байланысты нығайту ісіне қосқан елеулі үлесі үшін І дәрежелі «Достық» орденімен марапаттады, деп хабарлайды Kapital.kz іскерлік ақпарат орталығы Ақорда баспасөз қызметіне сілтеме жасап.
Бүгін президент Ақордада Токио губернаторын қабылдады. Тараптар цифрлық технологиялар, халықаралық қаржы және білім беру салаларындағы серіктестік орнату мүмкіндіктерін талқылады.
Айта кетейік, мемлекет басшысы 2025 жылғы желтоқсанда Күншығыс еліне ресми сапармен барған болатын. Президент Жапония императорымен кездесіп, премьер-министр Санаэ Такаичимен келіссөздер жүргізді, сондай-ақ «Орталық Азия – Жапония» саммитіне қатысты. Сапар аясында Қасым-Жомарт Тоқаев Юрико Коикэмен де кездесті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
