Қазақстанда 1,5 млн-нан астам кәсіпкер жаңа салық режимін таңдады
Оның ішінде 346 мың адам өзін-өзі жұмыспен қамтыған режимін таңдаған
1 наурызда Қазақстанда кәсіпкерлерге салық салу режимін таңдау бойынша өтпелі кезең аяқталды, деп хабарлайды Kapital.kz іскерлік ақпарат орталығы.
Қаржы министрлігінің мәліметінше, өзін-өзі жұмыспен қамтығандарға арналған арнайы режимді 346 мың адам таңдаған. Оның 265 мыңы – бұған дейін көлеңкелі айналымда болған.
Аталған режимнің басты артықшылығы – табысқа салық салынбайды және жеке кәсіпкер ретінде тіркелу міндетті емес. Бұл тіркеусіз жұмыс істеп келген азаматтарды ресми секторға тартуға мүмкіндік береді.
Сонымен қатар жеңілдетілген декларация негізіндегі арнайы салық режимін 1,2 млн кәсіпкер таңдаған. Осылайша, жалпы алғанда 1,5 млн-нан астам адам мен кәсіпкер жаңа форматтағы салық режимдеріне өткен.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
