- Басты бет
- Технологиялар
- Қазақстан ЖИ-ді қолдану деңгейі жоғары елдердің қатарына енді
Қазақстан ЖИ-ді қолдану деңгейі жоғары елдердің қатарына енді
Қазақстандықтар нейрожеліні көбіне не үшін пайдаланады?
ҚР Жасанды интеллект және цифрлық даму министрлігі OpenAI делегациясының Қазақстанға сапары аясында Премьер-Министрдің орынбасары - Жасанды интеллект және цифрлық даму министрі Жаслан Мадиевпен кездесіп, ЖИ саласындағы ынтымақтастықты дамытуды, бірлескен білім беру бастамаларын іске асыруды, ChatGPT Edu құралдарын енгізуді, сондай-ақ студенттер, оқытушылар мен мамандар арасында жасанды интеллектіні пайдаланудың практикалық дағдыларын дамытуға бағытталған серіктестіктің бағыттарын талқылады, деп хабарлайды Kapital.kz іскерлік ақпарат орталығы министрлікке сілтеме жасап.
Кездесу барысында OpenAI өкілдері Қазақстанда ChatGPT-ді пайдалану туралы талдау мәліметтерін ұсынды. Ел жасанды интеллектіні енгізу деңгейі жоғары мемлекеттердің қатарына енді және Орталық Азияның басқа елдерінен айтарлықтай алда келеді: салыстыру үшін, жан басына шаққанда ChatGPT-дің тұтынушылық нұсқасын пайдалану бойынша жаһандық рейтингте Қырғызстан 52-орында, Өзбекстан әлемдік рейтингте 58-орында тұр. Бұл нәтижелер қазақстандық қоғамның озық жасанды интеллект құралдарын практикалық қолдануға барынша дайын екенін дәлелдейді.
«Жасанды интеллектіні дамыту бойынша біздің жүйелі бастамаларымыз қоғамның өзінің дайындығына сүйенеді. Зерттеу нәтижелері жаңа технологияларға деген қызығушылықты ғана емес, сонымен қатар жасанды интеллектіні пайдаланудың орнықты практикалық дағдыларының дамуын да көрсетеді. Азаматтар қазірдің өзінде жасанды интеллектіні күнделікті өміріне оқу, жұмыс міндеттерін орындау, ақпарат іздеу және контент жасау үшін белсенді түрде кіріктіріп жатыр. Енгізудің мұндай жоғары деңгейі жасанды интеллектіні білім беруге, бизнеске және мемлекеттік басқаруға интеграциялау, сондай-ақ Қазақстанның аймақтағы технологиялық көшбасшылардың бірі ретіндегі позициясын нығайту үшін қажетті іргетас қалайды», - деп атап өтті Премьер-Министрдің орынбарары - Жасанды интеллект және цифрлық даму министрі Жаслан Мадиев.
OpenAI компаниясының білім беру саласындағы халықаралық бағытының басшысы Валери ФОККЕ-нің айтуынша Қазақстан қазірдің өзінде жасанды интеллектіні белсенді енгізіп жатқан елдердің бірі болып табылады.
«Мұнда ChatGPT-ді пайдалану деңгейі халықаралық өлшемдер бойынша жоғары, жастар жасанды интеллектінің белсенді пайдаланушысы болып табылады, ал жалпы технологияларды қолдану ерлер мен әйелдер арасында біркелкі бөлінген. Келесі қадам — адамдарға жасанды интеллектен бұдан да көп пайда алуға көмектесу. Дәл соңдықтан біз технологияларға қолжетімділік студенттер, оқытушылар мен болашақ мамандар үшін нақты мүмкіндіктерге айналуы үшін жауапты жасанды интеллект құралдарын педагогтарды даярлаумен, жергілікті жерде енгізумен және нәтижелерді талдаумен ұштастыра отырып, білім беру бастамаларын іске асыруда Қазақстанмен ынтымақтасамыз», деді ол.
Open AI мәліметтері негізінде Қазақстанда жасанды интеллект құралдарын пайдаланудың талдауы
Қазақстандықтар нейрожеліні көбіне практикалық нұсқаулықтар алу, мәтіндерді жазу және редакциялау, сондай-ақ ақпарат іздеу үшін пайдаланады.
Хабарламалардың 42%-дан астамы сұрақтар немесе ақпарат беру туралы сұраныстар ретінде қалыптастырылады. Шамамен 32%-ы белгілі бір тапсырманы орындауға бағытталған, ал 26%-ы өзін-өзі көрсетуге қатысты. Енгізудің негізгі драйвері жастар болып табылады. 18-ден 24 жасқа дейінгі жас ерекшелік тобы хабарламалардың 36,2%-ын, ал 25-тен 34 жасқа дейінгілер — 35,8%-ын генерациялайды. Жиынтығында 18-ден 34 жасқа дейінгі пайдаланушылар барлық сұраныстардың 72%-ын жібереді. Бұл ретте жас адамдар жасанды интеллектіні мәтіндермен және мультимедиамен жұмыс істеу үшін жиірек пайдаланса, 25-34 жастағы пайдаланушылар — техникалық көмек үшін қолданады.
Әдетте ерлер мен әйелдерге қатысты болатын есімдері бар пайдаланушылар арасындағы бөлініс іс жүзінде тең болып шықты. OpenAI сапары Қазақстанның білім беру саласына жасанды интеллектіні енгізу жөніндегі ұлттық жоба аясында өтіп жатқаны атап өтіледі.
Бастаманың шарттары бойынша 165 мың педагог арнайы білім беру ұйымдарына арналып әзірленген ChatGPT-дің нұсқасы — ChatGPT Edu-ге қол жеткізеді. Жобаның технологиялық серіктесі ретінде Bilim Group IT-холдингі әрекет етеді.
Компания OpenAI шешімдерін білім беру жүйесіне интеграциялаумен айналысады және елдің мектептерінде, колледждері мен жоғары оқу орындарында жасанды интеллектіні пайдалану бойынша әдістемелік практикаларды әзірлеуге қатысады. OpenAI-дың Қазақстанға сапарын Bilim Group экожүйесіне кіретін жобаның командасы — Bilim UpSkill ұйымдастырды.
Бұған дейін АҚШ-тағы терең машиналық оқыту саласындағы алғашқы қазақ профессоры, Purdue University университеті жасанды интеллект факультетінің профессоры, Nace.AI компаниясының Chief Scientist маманы Әбілқайыр Сапаров сұхбат беріп, ЖИ трендтері мен мамандары, машиналық оқыту және т.б. тақырыптар төңірегінде айтқан болатын.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
