• Басты бет
• Тағайындаулар
• Solidcore Resources директорлар кеңесін Оман мемлекеттік қорының президенті басқаратын болды

Solidcore Resources директорлар кеңесін Оман мемлекеттік қорының президенті басқаратын болды

Жоғары мәртебелі Абдулсалам Әл Муршидиді Директорлар кеңесінің төрағасы болып тағайындалды

Solidcore Resources plc 2026 жылдың 1 маусымынан бастап Oman Investment Authority Президенті Абдулсалам Аль Муршидидің атқарушы өкілеттігі жоқ директор және Директорлар кеңесінің төрағасы болып тағайындалды. Омар Бахрам төраға қызметінен Директорлар Кеңесі төрағасының орынбасары қызметіне ауысады, деп хабарлайды Kapital.kz іскерлік ақпарат орталығы компанияның баспасөз қызметіне сілтеме жасап.

«Аталмыш лауазымға орналасқаным үшін ризамын және компания басқармасымен және директорлар Кеңесімен тығыз және жемісті ынтымақтастық жүргізем деп сенемін. Solidcore Оман Сұлтандығы үшін негізгі инвестициялардың бірі болып табылады және ел өкілі ретінде мен Компанияның ұзақ мерзімді акционерлік құнын құруға, оның дамуына ықпал етуге және тиімді корпоративтік басқару және стратегиялық басшылық арқылы инвестицияларымызды қорғауға назар аудармақпын», Абдулсалам Әл Муршиди өзінің тағайындауы жөнінде.

Solidcore Resources plc бас атқарушы директоры, Виталий Несис жаңа кадрлық өзгеріс туралы пікір білдірді.

«Абдулсалам Әл Муршидиді Директорлар кеңесінің төрағасы ретінде қарсы алу біз үшін үлкен мәртебе. Оның кәсіби тәжірибесі, стратегиялық көзқарасы және компанияның негізгі акционердің өкілі ретіндегі мүдделеріне ұзақ мерзімді міндеттемесі өсу стратегиясын жүзеге асыру және барлық мүдделі тараптар үшін тұрақты құндылық жасау жолында біз үшін маңызды артықшылық болады», деді Виталий Несис.

Абдулсалам Әл-Муршидидің тағайындалуын компанияның ең ірі акционері Maaden International Investment ұсынған болатын, ал Директорлар кеңесі бұны мақұлдады. Оның кандидатурасы 2026 жылғы 24 маусымда өтетін Solidcore акционерлерінің алдағы жылдық жалпы жиналысында сайлауға шығарылады.

Директорлар кеңесі мүшелерінің құрамы сегіз адам құрап, саны өзгеріссіз қалады. Сондай-ақ Басқарма мүшелерінің көпшілігі тәуелсіз директорлар болып қала бермек.

Директорлар кеңесі комитеттерінің жаңа құрамы келесідей өзгеріске ұшырайды: аудит және тәуекелдер жөніндегі комитет: Стивен Дашевский (төраға), Евгений Коноваленко, Ричард Шарко, сыйақы комитеті: Ричард Шарко (төраға), Жанат Бердалина, Евгений Коноваленко. тағайындау комитеті: Евгений Коноваленко (төраға), Жанат Бердалина, Паскаль Жанин Перес, қауіпсіздік және орнықты даму комитеті: Жанат Бердалина (төраға), Стивен Дашевский, Паскаль Жанин Перес, Виталий Несис. Сонымен қатар инвестициялар комитеті: Омар Бахрам, Стивен Дашевский, Евгений Коноваленко, Виталий Несис, Жоғары Мәртебелі Абдулсалам Әл Муршиди.

Айта кетейік, қазіргі уақытта Абдулсалам Әл Муршиди Оман Сұлтандығының тәуелсіз қоры — Oman Investment Authority (OIA) президенті қызметін атқарады. OIA-дағы қызметі аясында ол Gulf Investment Corporation, Кувейт Директорлар кеңесінің төрағасы, сондай-ақ Азия инфрақұрылымдық инвестициялар банкінің (AIIB) басқарушылар кеңесінде Оман Сұлтандығының басқарушысы болып табылады. Сонымен қатар, ол Халықаралық ғылыми кеңестің Тұрақты даму саласындағы ғылыми миссиялар жөніндегі жаһандық комиссиясының мүшесі.

Ол бұрын әр түрлі лауазымдарды атқарған және аймақтағы бірқатар өнеркәсіптік, коммерциялық және инвестициялық компаниялардың құрылтайшысы болған. Абдулсалам Әл-Муршиди Ұлыбританияның Абердин университетін үздік бітіріп, мұнай геологиясы бойынша ғылым магистрі дәрежесін алған (1996). Ол сондай-ақ АҚШ-тың Аризона университетінің геофизика саласындағы ғылым бакалавры дәрежесіне ие (1989).

Басқа компаниялардың директорлар кеңесіне мүшелігі:

Oman Investment Authority (OIA) Президенті (2020-қазіргі уақытқа дейін);

Азия инфрақұрылымдық инвестициялар банкінің (AIIB) Басқарушылар кеңесінің басқарушысы (2020-қазіргі уақытқа дейін);

Gulf Investment Corporation (GIC) Директорлар кеңесінің төрағасы (2026-қазіргі уақытқа дейін);

Халықаралық ғылыми кеңестің Тұрақты даму саласындағы ғылыми миссиялар жөніндегі жаһандық комиссиясының мүшесі (2021-қазіргі уақытқа дейін);

Oman Investment Bank Директорлар кеңесінің төрағасы (2024-қазіргі уақытқа дейін).

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз