• Басты бет
• Экономика
• Қазақстандағы көмір химиясы: елде қатты отыннан газ, дизель отыны және кокс өндірілетін болады

Қазақстандағы көмір химиясы: елде қатты отыннан газ, дизель отыны және кокс өндірілетін болады

Бүгінде салада үш жаңа жобаны жүзеге асыру жоспарланған

Қазақстанда көмірді терең өңдеу бойынша қандай жобаларды жүзеге асыру жоспарланып отыр. Бұл туралы Энергетика министрлігі айтып берді, деп хабарлайды Kapital.kz іскерлік ақпарат орталығы.

«Энергетика министрлігі көмір химиясын дамытуды көмір өнеркәсібін жаңғыртудың және қосылған құны жоғары шикізатты терең өңдеу өндірісін қалыптастырудың негізгі бағыттарының бірі ретінде қарастырады», - деп атап өтті министрлікте.

Бүгінгі таңда көмір химиясы саласында үш ірі жоба жүзеге асырылуда. Қарағанды облысында қуаттылығы жылына 1 млн тонна болатын металлургиялық кокс өндіру зауытының құрылысы жүргізіліп жатыр. Жобаны жүзеге асыру 500-ге дейін жұмыс орнын құруға мүмкіндік береді.

Сондай-ақ көмірден дизель отынын өндіру бойынша әрқайсысының қуаттылығы жылына 100 мың тонна болатын екі жоба қолға алынуда. Жобалар Павлодар және Қарағанды облыстарында орналасқан. Бұдан бөлек, тағы үш перспективалы жоба пысықталуда.

«Қарағанды облысында тас көмір шайырын өңдеуді, бензол өндіруді және кокс газын тазартуды қамтитын коксохимиялық өндіріс құру мәселесі қарастырылып жатыр. Абай облысында аммиак пен карбамид өндіру жобасы пысықталуда. Тағы бір перспективалы жоба көмірден газ өндіруді көздейді. Қазіргі уақытта оны жүзеге асыруға арналған алаң анықталуда», - деді ведомствода.

Бұған дейін. Қазақстанда көмір генерациясын дамыту жөніндегі ұлттық жоба бекітілгені хабарланған болатын. Ұлттық құрылтайдың V отырысында Қасым-Жомарт Тоқаев Қазақстанның орасан зор көмір қорына – шамамен 33 млрд тоннаға ие екенін еске салды. Ол көмір генерациясын дамыту жөніндегі жұмысқа ұлттық жоба мәртебесін беруді тапсырды.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз