- Басты бет
- Технологиялар
- Мал шаруашылығына арналған отандық өнім: Ғалымдар бірегей биоқоспаға патент алды
Мал шаруашылығына арналған отандық өнім: Ғалымдар бірегей биоқоспаға патент алды
Қазақстанда бұқалардың репродукциясын жақсартатын табиғи өнім шығарылмақ
«Асыл түлік» орталығының ғалымдары асыл тұқымды бұқалардың биоматериал сапасын 30%-ға арттыратын табиғи биоқоспа әзірлеп, патент алды, деп хабарлайды Kapital.kz іскерлік ақпарат орталығы Ауыл шаруашылығы министрлігіне сілтеме жасап.
Ведомтво ақпаратына сәйкес, қазақстандық ғалымдар бұқа дернәсілінің гомогенаты негізінде жасалған табиғи биоқоспаны қолдану арқылы асыл тұқымды бұқалардың биоматериалының сапасы мен көбею қабілетін арттыруға бағытталған ғылыми зерттеуді сәтті аяқтады.
Аталған өнертабысқа патент алынып, зерттеу нәтижелері Q1–Q3 деңгейіндегі халықаралық ғылыми журналдарда жарияланды.
«Ғылыми жұмыс барысында мамандар биоқоспаның асыл тұқымды бұқалардың репродуктивтік көрсеткіштеріне әсерін зерттеді. Нәтижесінде әзірлеменің жоғары тиімділігі дәлелденді, атап айтқанда, биоматериал сапасы мен оны пайдалану тиімділігі 30%-ға, ал жануарлардың көбею қабілеті 10%-ға артқаны анықталды», деді министрлікте.
Алынған «түйіршіктелген гомогенат» биоқоспасы толықтай табиғи және экологиялық таза өнім. Бұл оның заманауи мал шаруашылығы үшін болашағы зор шешімдердің бірі екенін дәлелдейді.
Әзірлеменің ғылыми маңызымен қатар, сала үшін тәжәрибелік құндылығы да жоғары. Оны қолдану асыл тұқымды мал өсіру жұмыстарының тиімділігін арттыруға, ауыл шаруашылығы жануарларының генетикалық әлеуетін жақсартуға, сонымен бірге елдің азық-түлік қауіпсіздігін нығайтуға ықпал етеді.
Ғалымдар биоқоспаның коммерциялық әлеуеті жоғары бағалайды. Бүгінде оны технологияны енгізу жөніндегі келісімдер аясында отандық тауар өндірушілермен бірлесіп өндіруге болатынын атап өтті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
