Мемлекет басшысы Венесуэла президентінің міндетін атқарушыға көңіл айтты
Қасым-Жомарт Тоқаев жер сілкінісінен қаза тапқандардың жақындарына қайрат пен сабыр тіледі
Мемлекет басшысы Қасым-Жомарт Тоқаев Венесуэла президентінің міндетін атқарушы Делси Родригеске көңіл айту жеделхатын жолдады, деп хабарлайды Kapital.kz іскерлік ақпарат орталығы Ақорданың баспасөз қызметіне сілтеме жасап.
Қазақстан президенті Венесуэлада болған жойқын жер сілкінісі салдарынан көптеген адамның қаза тауып, зардап шеккеніне байланысты Делси Родригеске көңіл айтты.
«Осынау ауыр сәтте орны толмас қайғыға ортақтасып, Сізге, жақындарынан айырылған отбасыларға және барша достас Венесуэла халқына қайғыра көңіл айтамын. Табиғи апат салдарынан қаза тапқандардың туған-туыстары мен жақындарына қайрат пен сабыр, ал зардап шеккен азаматтардың тезірек сауығып, отбасыларына аман-есен оралуына тілектеспін», – делінген жеделхатта.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
