Қазақстанда 55 шахта тексерілді: 10 нысанда персоналды іздеу жүйесі жоқ
Өнеркәсіптік қауіпсіздікті бақылауды күшейту және қуаттарды жаңғырту үшін 50 кәсіпорыннан тұратын тізімді қалыптастырылады
Қазақстанда өндірістік қуаттарды жаңартуды қажет ететін тау-кен металлургия кешенінің 50 ірі кәсіпорнының тізімі қалыптастырылды. Олардың қызметіне тиімді мониторинг жүргізу үшін техникалық қайта жарақтандыруды бақылау картасы әзірленді. Бұл туралы үкімет отырысында Өнеркәсіп және құрылыс министрі Ерсайын Нағаспаев мәлімдеді, деп хабарлайды Kapital.kz іскерлік ақпарат орталығының тілшісі үкіметтің баспасөз қызметіне сілтеме жасап.
Оның айтуынша, бағдарлама іске қосылған сәттен бастап ТМК кәсіпорындары 530 млрд теңгеден астам сомаға өндірісті жаңғырту, техникалық жай-күйін қолдау және кеңейту бойынша іс-шараларды жүзеге асырды. Сонымен қатар, ведомство ТЖМ-мен бірлесіп жер қойнауын пайдаланушылардың өнеркәсіптік қауіпсіздік жүйелеріне инвестицияларды ұлғайту бойынша іс-шаралар жоспарын іске асыруда, оларға қойылатын талаптар Жер қойнауы туралы кодексте бекітілген.
«Әрбір жер қойнауын пайдаланушы өндіру кезеңіне өткен кезде тау-кен жұмыстарының жоспарын төтенше жағдайлар саласындағы уәкілетті органмен келісуге міндетті. Өткен жылы ТЖМ-мен бірлесіп жер қойнауын пайдаланушылардың өнеркәсіптік қауіпсіздік жүйелеріне инвестицияларды ұлғайту бойынша іс-шаралар жоспары бекітілді. 55 шахта мен кенішті зерттеу қорытындысы бойынша персоналды позициялау және іздеу жүйелері жоқ сегіз компанияның 10 объектісі анықталды. Қалған объектілерде өнеркәсіптік қауіпсіздік жабдықтарын жаңғырту талап етіледі», - деді министр.
Бұған дейін Төтенше жағдайлар министрі Шыңғыс Әрінов 2026 жылдың бес айында ел кәсіпорындарында 43 инцидент пен 12 апат тіркеліп, оның 10-ы бойынша тергеу жүргізілгенін айтқан болатын.
Ол жыл басынан бері өнеркәсіптік қауіпсіздік бойынша мемлекеттік бақылау мен қадағалаудың жаңа механизмі енгізілгенін атап өтті. 2026 жылдың бес айында өткен жылмен салыстырғанда 2,5 есе көп кәсіпорын тексеріліп, 10 мыңнан астам бұзушылық анықталды.
Әртүрлі деңгейдегі 523 жұмысшы әкімшілік жауапкершілікке тартылды. Айыппұлдардың жалпы сомасы 6 млн теңгеден 62 млн теңгеге дейін өсті. Жұмысшылардың өмірі мен денсаулығына қауіп төндіретін өрескел бұзушылықтар үшін 600-ден астам объект пен техникалық құрылғының жұмысы тоқтатылды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
