«Əділет» партиясы ресми түрде тіркелді
Партия Қазақстанның барлық прогрессивті күштерін бірігуге шақырды
«Әділет» партиясы 2026 жылғы 1 маусымда мемлекеттік тіркеуден өтіп, Әділетті Қазақстанды құру жолында кәсіби мамандардың, қоғамдық лидерлердің, жастар мен азаматтық белсенділердің басын қосатын алаңға айналуға дайын екенін мәлімдеді.
Партия бүгінде елге қоғамның прогрессивті күштерін әділдік, заңдылық, жауапкершілік және даму құндылықтарының төңірегінде кеңінен біріктіру қажет деп санайды. Партия басшылығының пікірінше, Қазақстан өз дамуының жаңа кезеңіне қадам басты, бұл кезеңде реформалардың сәтті болуы тек мемлекеттің шешімдеріне ғана емес, сонымен бірге азаматтардың өздерінің белсенді қатысуына да байланысты.
Партия төрағасы Айбек Дәдебай «Әділет» партиясының заманауи және әділ мемлекет құруға деген ортақ ұмтылыс біріктірген әртүрлі мамандық, көзқарас пен өмірлік тәжірибесі бар адамдардың бірлестігі ретінде құрылғанын атап өтті.
Бүгінгі таңда партия қатарында жұмысшы мамандықтарының өкілдері, кәсіпкерлер, ғалымдар, қоғам қайраткерлері мен жастар бар. Өз үндеуінде ол қызметтің негізі ретінде бес негізгі құндылықты айқындады: әділдік, патриотизм, жауапкершілік, еңбекқорлық және прогресс.
«Біз әділ шешімдерге, ашық саясатқа және болашақ ұрпақ алдындағы жауапкершілікке сенетін барлық жандарға серіктестік пен бірлесе жұмыс істеуді ұсынамыз. Тек мемлекет пен қоғамның күш-жігерін біріктіру арқылы ғана елдің тұрақты дамуын қамтамасыз етуге және Әділетті Қазақстанды шынайылыққа айналдыруға болады», – делінген партия төрағасының үндеуінде.
Сондай-себепті, өздерін саяси процестің жаңа қатысушысы ғана емес, Қазақстан мен оның азаматтарының игілігі үшін жұмыс істеуге дайын елдің озық әрі жасампаз күштерін біріктіретін платформа ретінде қарастыратындарын атап өтті.
Еске сала кетейік, 2026 жылғы 15 сәуірде бастамашыл топ жаңа партия құру ниеті туралы ресми мәлімдеме жасады, ал 16 сәуірде ҚР Әділет министрлігі хабарламаның қабылданғанын растады. Құрылтай съезі 7 мамырда өтіп, онда Айбек Дәдебай партия төрағасы болып сайланды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
