Алматы облысында 11,5 млрд теңгеге жаңа экопарктер салынады
Қазір өңірде 20-дан астам экопарк жұмыс істейді
Алматы облысында экологиялық туризмді дамыту және жасыл аймақтардың көлемін ұлғайту мақсатында жаңа нысандарға тартылатын инвестиция көлемі 11,5 млрд теңгеден асады, деп хабарлайды Kapital.kz іскерлік ақпарат орталығы өңірлік әкімдікке сілтеме жасап.
Қазіргі таңда облыс аумағында жалпы көлемі 69 мың гектардан асатын 20-дан астам экопарк жұмыс істейді. Алдағы жылдары олардың қатары жаңа демалыс және рекреациялық аймақтармен толықпақ.
Ірі жобалардың бірі – аумағы 10 гектар болатын «Барыс» экопаркі болады деді әкікте. Жобаның құны шамамен 1,5 млрд теңгені құрайды. Болашақта парк аумағында 7 мыңнан астам ағаш отырғызу жоспарланған.
Сонымен қатар жеке инвестициялар есебінен тағы екі ірі жоба іске асырылып жатыр. Аумағы 5,5 гектар болатын «Tal Resort» экопаркінің құны 5 млрд теңгені құрайды.
«Құрылыс жұмыстары екі кезеңмен жүргізіледі. Жобаның бірінші кезеңін 2026 жылдың соңында аяқтау, ал нысанды толық пайдалануға беруді 2027 жылға жоспарланған», деді әкімдікте.
Сондай-ақ құны 5 млрд теңге болатын «Aykan Resort» экопаркінің құрылысы басталды. Жобаның жалпы аумағы 8,5 гектарды құрайды. Нысанды 2027 жылы пайдалануға беру көзделген.
Бұдан бөлек, 2027–2028 жылдары облыста «Көшпенділер» және «Орталық саябақ» экопарктерін іске асыру жоспарланып отыр.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
