Прокурорлар тау-кен өндіруші компанияға 36 гектар жерді қайтарды
Шенеуніктер инвестордың учаскесін міндетті аукциондарсыз беріп жіберген
Жамбыл облысында табиғат қорғау прокуратурасы мен Инвесторлардың құқықтарын қорғау комитеті қатты пайдалы қазбаларды өндірумен айналысатын «Gold Stone LLP» компаниясының мүдделерін қорғады. Инвестор жер учаскесін беруге қатысты проблемаларға байланысты Мойынқұм ауданы әкімдігінің іс-әрекетіне шағымданып, прокуратураға жүгінген, деп хабарлайды Kapital.kz іскерлік ақпарат орталығы өңірлік прокуратураның баспасөз қызметіне сілтеме жасап.
«Талдау барысында жер заңнамасының өрескел бұзылғаны анықталды. Инвестордың тау-кен бөлінісі шекарасына кіретін алаңы 36 гектар учаске өндірістік база орналастыру үшін басқа жер пайдаланушыға берілген. Жалға алу құқығы міндетті сауда-саттықты өткізбестен рәсімделген, бұл Қазақстан Республикасы Жер кодексінің 48-бабының талаптарына тікелей қайшы келеді», - делінген хабарламада.
Табиғат қорғау прокуратурасының араласуынан кейін әкімдіктің заңсыз қаулысы прокурорлық қадағалау актісімен жойылды. Кінәлі лауазымды тұлға жауапкершілікке тартылды. Жер комиссиясы даулы учаскені инвесторға беру туралы ұсынымдар әзірледі.
Бұған дейін «Energy Flow Generation» ірі инвестициялық жобасын жүзеге асыру әкімшілік кедергі кесірінен қауіп төніп тұрғаны хабарланған болатын. Әкімдік компанияға жер учаскесінің мәртебесін өзгертуден заңсыз бас тартқан.
Павлодарда «Angolt GMBH» 2,7 миллиард теңгелік жобаны қайта бастай алмады. Ақмола облысында экологиялық туризм саласындағы жобаны жүзеге асыру үшін бөлінген 16 мың гектар жерді алып қоюға әрекет жасалды.
Түркістан облысындағы инвестор үш ай бойы салынған СОО-ны тіркей алмады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
