• Басты бет
• Государство
• 4 миллион қоңырау және миллиондаған шығын: Алматыда ірі фрод-схеманың жолы кесілді

4 миллион қоңырау және миллиондаған шығын: Алматыда ірі фрод-схеманың жолы кесілді

Қылмыстық топ байланыс операторларын 15 миллионға тақырға отырғызған

ҰҚК Алматыда 4 миллионнан астам заңсыз қоңырау шалған фрод-топты ұстады. Шығын көлемі 15 млн теңгеден асады, деп хабарлайды Kapital.kz іскерлік ақпарат орталығы Ұлттық қаупісіздік комитетіне сілтеме жасап.

Ведомство прокуратура органдарының үйлестіруімен Алматы қаласында телефон алаяқтығына қатысы бар қылмыстық топтың жолын кескенін хабарлады.

Күдіктілер байланыс операторларының бақылауын айналып өтіп, шетелден қазақстандық абоненттерге халықаралық қоңыраулар шалудың заңсыз тетігін ұйымдастырған.

«Атап айтсақ, бұлар бөгде заңды тұлғалардың атына виртуалды телефон станцияларын тіркеп, жергілікті мобильді нөмірлерді пайдаланған және арнайы зиянды бағдарламалық қамтылымды қолданған», делінген ақпаратта.

Аталған схема бойынша 4 миллионнан астам қоңырау шалынып, байланыс операторларына келтірілген шығын көлемі 15 миллион теңгеден асқан. Тінту барысында техникалық құралдар мен іске қатысты өзге де заттай дәлелдемелер алынды.

Тергеу іс-шаралары жалғасып жатыр.

Бұған дейін ҰҚК екі қалада дербес деректерді заңсыз жинаумен айналысқан топ ұсталғанынан хабарлаған болатын. Жиналған ақпарат интернет желісінде сатылып отырған. Сонымен қатар ведомство сатып алушылар қатарында микроқаржы және коллекторлық ұйымдардың кейбір өкілдері, сондай-ақ жеке тұлғалар болғанын мәлімдеді.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз