Dasco Capital мен Templewater Орталық Азия үшін инвестициялық қор құрады
Қор Алатау қаласына халықаралық инвесторларды тартумен айналысады
Dasco Capital Гонконгке іссапар барысында өңірдің жетекші инвестициялық компанияларының бірі — Templewater-мен меморандумға қол қойды. Тараптар Қазақстан мен Орталық Азиядағы жобаларға, ең алдымен Алатау қаласына бағытталған тікелей инвестициялар қорын құруды пысықтауға келісті, деп хабарлайды Kapital.kz іскерлік ақпарат орталығы компанияның баспасөз қызметіне сілтеме жасап.
Гонконгте өткен Alatau City Roadshow инвестициялық дөңгелек үстелі аясында Dasco Capital Гонконгтің жетекші балама инвестициялық компанияларының бірі — Templewater-мен ынтымақтастық туралы меморандумға қол қойды. Тараптар Қазақстан мен Орталық Азия экономикасына инвестиция салуға бағытталған бірлескен тікелей инвестициялар қорын (private equity) құруды пысықтауға келісті. Алатау қаласының жобалары болашақ қордың басым бағыттарының бірі ретінде қарастырылады.
«2018 жылы Investec Group қатысуымен құрылған Templewater Азия-Тынық мұхиты өңірінде жеке капитал, энергетикалық көшу және жылжымайтын мүлік салаларындағы портфельді басқарады. Бұл серіктестік Азияның ірі қаржы орталықтарының бірінің сараптамасы мен капиталына қолжетімділік ашып, өңірге халықаралық инвесторларды тарту үшін тікелей арна жасайды», деоінген ақпаратта.
Alatau City Roadshow дөңгелек үстеліне Қазақстан Республикасы Премьер-Министрінің орынбасары Қанат Бозымбаев пен Гонконг әкімшілігінің басшысы Джон Ли қатысты. Іс-шара өңірдің ірі инвестициялық қорларын, қаржы институттарын және технологиялық компанияларын біріктірді; жалпы оның аясында алты ынтымақтастық туралы келісім мен меморандумға қол қойылды.
«Алатау қаласының арнайы құқықтық режимі туралы» Конституциялық заңмен бекітілген қаланың арнайы құқықтық режимі оның аумағындағы жобаларды халықаралық инвесторлар үшін болжамды әрі айқын етуге бағытталған. Дәл осындай жобаларда Dasco Capital пен Templewater болашақ қордың жұмысының бірінші кезеңіне назар аударуды көздейді.
Dasco Capital үшін бұл серіктестік халықаралық институттармен ұзақ мерзімді байланыс орнату және Қазақстан мен Орталық Азияда венчурлық әрі тікелей инвестициялық инфрақұрылымды дамыту стратегиясының жалғасы болып табылады. Тараптар қордың құрылымын, мандатын және параметрлерін алдағы айларда айқындауды жоспарлап отыр.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
