Самұрық-Қазына KASE-де 2 млрд доллар тартады
Мемлекеттік қор қамтамасыз етусіз купондық облигациялар шығарады
«Самұрық-Қазына» ҰӘҚ Қазақстан қор биржасында облигацияларды орналастыру арқылы 2 млрд доллар тартуды көздеп отыр. Мемлекеттік қордың директорлар кеңесі осындай шешім қабылдады, деп хабарлайды Kapital.kz іскерлік ақпарат орталығының тілшісі.
«Мемлекеттік қор қамтамасыз етусіз 2 млн купондық облигация шығаруды ниеттеніп отыр. Бір бағалы қағаздың номиналды құны 1 мың доллар», - делінген қордың директорлар кеңесінің шешімінде. Мемлекеттік қордың капиталды қандай мақсаттарға және қандай мөлшерлемемен тартып жатқаны көрсетілмегенін атап өтеміз.
«Самұрық-Қазына» ұлттық әл-ауқат қоры 2008 жылы құрылған. Қордың басқаруында еліміздің ең ірі стратегиялық компаниялары, соның ішінде Air Astana, «Қазақтелеком», «Қазатомөнеркәсіп», «ҚазМұнайГаз», KEGOC және басқалары бар.
Еске сала кетейік, Президент Қасым-Жомарт Тоқаев үкіметтің кеңейтілген отырысында артық басқарушы кадрлармен шамадан тыс жүктелген компаниялардың құрылымын қайта қарауға шақырған болатын. 2026 жылдың наурызында қор астанадағы әкімшілік-басқару персоналын 11%-ға қысқарту ниеті туралы мәлімдеген еді.
«Астана қаласы бойынша әкімшілік-басқару персоналының санын оңтайландыру шеңберінде «Самұрық-Қазына» АҚ компаниялар тобында 729 адамды қысқарту жоспарлануда – бұл 11% (барлық персоналдан - Ред.). Қысқартылатын персоналдың 762 мың теңге көлеміндегі орташа айлық жалақысын ескере отырып, санды оңтайландырудан күтілетін тиімділік 2026 жылдың 9 айында шамамен 5 млрд теңгені құрайды», - деп хабарлаған болатын қорда.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
