Қазақстан Ресейден алты тонна қиярды кіргізбеді
Өнім фитосанитарлық бақылаудан өтпей қалды
Шекарада 6 тонна қияр тиелген партия фитосанитарлық бақылаудан өте алмады. Өнім Ресейге кері қайтарылды, деп хабарлайды Kapital.kz іскерлік ақпарат орталығы Ауыл шаруашылығы министрлігінің баспасөз қызметіне сілтеме жасап.
«Карантиндік фитосанитарлық бақылау мен қадағалау жүргізу барысында карантинге жатқызылған өнім — жалпы көлемі 6 тонна қияр Ресей Федерациясына кері қайтарылды. Бұл шараның қабылдануына карантинге жатқызылған өнімнің заңнамада белгіленген тәртіппен фитосанитарлық бақылау мен қадағалау жүргізу үшін ұсынылмауы себеп болды», - деп хабарлайды АШМ.
Министрлік фитосанитарлық талаптарды сақтау елдің карантиндік қауіпсіздігін қамтамасыз етудің, карантинге жатқызылған объектілердің енуі мен таралуының алдын алудың, сондай-ақ отандық агроөнеркәсіптік кешенді қорғаудың міндетті шарты екенін еске салады.
Осыған байланысты сыртқы экономикалық қызметке қатысушылар өсімдіктер карантині саласындағы заңнама талаптарын мүлтіксіз сақтауы және белгіленген бақылау рәсімдерінен уақытылы өтуді қамтамасыз етуі қажет.
Бұған дейін Қазақстанға Қытайдан 113 тоннадан астам өнім жіберілмеген болатын. Ұсталған құс еті мен балық жемінің партиялары қауіпті деп танылып, көзі жойылды.
Бельгия алмұртын импорттаушыға 19 тонна өнімді экспорттаушы елге кері қайтару жүктелді. Сондай-ақ Қазақстанға Ресейден 20 тонна құс еті кіргізілмеді.
Қазақстан Республикасына полиция формасын заңсыз әкелу әрекетінің жолы кесілді. Қырғызстаннан Қазақстанға үйрек етінің партиясы өткізілмеді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
