Таразда 17 млрд теңгенің инвестициялық жобалары бұғаттала жаздады
Прокурорлар қант пен трактор зауыттарының құрылысына араласуға мәжбүр болды
Тараз қаласының прокуратурасы Инвесторлардың құқықтарын қорғау комитетімен бірлесіп, инвестициялық жобаларды іске асыру барысында инвесторлардың құқықтарының бұзылу фактілерін анықтады, деп хабарлайды Kapital.kz іскерлік ақпарат орталығы өңірлік прокуратураның баспасөз қызметіне сілтеме жасап.
Ведомство мәліметінше, жергілікті атқарушы орган құны 3 млрд теңгені құрайтын тракторлар мен комбайндар шығаратын зауыт құрылысы жобасын жүзеге асырып жатқан «Kaz FMWORLD Agricultural Machinery» ЖШС-не сәулет-жоспарлау тапсырмасын беруден негізсіз бас тартқан.
Сонымен қатар құны 14 млрд теңгені құрайтын қант зауытын салу жөніндегі «ТСЗ» ЖШС-нің инвестициялық жобасын сүйемелдеу барысында электр желілеріне қосылуға берілген техникалық шарттарға инвесторға қосымша қаржылық шығындар жүктейтін негізсіз талаптар енгізілген.
Прокурорлық қадағалау шараларының нәтижесінде заң бұзушылықтар жойылып, инвесторлардың бұзылған құқықтары қалпына келтірілді, ал кінәлі лауазымды тұлғалар заңнамада белгіленген тәртіппен жауаптылыққа тартылды.
Жыл басынан бері Таразда инвестициялық жобаларды жүзеге асырып жатқан 9 инвестордың құқықтары қорғалғанын атап өтті Жамбыл облыстық прокуратурасында.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
