Қазақстанда 5 айда 6,2 млн шаршы метрден астам тұрғын үй пайдалануға берілді
Құрылыс қарқыны бойынша қай өңірлер көш бастап тұр?
2026 жылдың алғашқы бес айы Қазақстанның құрылыс секторында айтарлықтай серпіліс әкелді. Нарық көлемі 2410 млрд теңгеге жетіп, өткен жылмен салыстырғанда 13,4%-ға өскен. Алайда, ең қызығы сандардың өсімінде емес, оның ішкі құрылымында: мемлекеттің құрылыстағы үлесі 1%-ға да жетпейді, ал басты драйвер — жол мен инфрақұрылым нысандары болып отыр, деп хабарлайды Kapital.kz іскерлік ақпарат орталығы Ұлттық статистика бюросына сілтеме жасап.
Статистика бюросы мәліметінше, республика бойынша құрылыс жұмыстарының жалпы көлемінен жеке құрылыс ұйымдарымен 87,9%, шетелдік – 11,4%, мемлекеттік – 0,7% орындалды.
Биылғы бес айда құрылыс жұмыстары көлемінің 2025 жылғы қаңтар-мамырмен салыстырғанда ұлғаюы ғимараттар (41,2%) мен құрылысы жұмыстары және жөндеу жұмыстарына байланысты.
«2026 жылғы қаңтар-мамырда орындалған құрылыс жұмыстарының (қызметтерінің) түрлері бойынша ең көп үлесті автомобиль, теміржолдары мен метролар (26,3%), тұрғын емес ғимараттар (жалпы көлемге 20,4%) және тұрғын үйлердің (11,9%) құрылысы алады», делінген ақпаратта.
Аумақтық бөлінісінде республиканың он тоғыз өңірінде құрылыс жұмыстары көлемінің ұлғаюы байқалады. Едәуір өсу Ұлытау облысы (3,2 есе), Шымкент (31,8%) және Алматы қалаларында (27,2%), Қызылорда (27,1%), Жамбыл (22,8%), Абай (20,9%), Павлодар (19,6%), Батыс Қазақстан (18%) және Солтүстік Қазақстан облыстарында (11,5%), байқалады.
2026 жылғы қаңтар-мамырда пайдалануға берілген жаңа объектілердің жалпы алаңы 7876,1 мың шаршы метрді құрады. Пайдалануға берілген тұрғын үйлердің жалпы алаңы 2025 жылғы қаңтар-мамырмен салыстырғанда 4,5% көбейді, 6293,4 мың шаршы метрді құрады, олардан 4223,1 мың шаршы метр - көп пәтерлі және 2050 мың шаршы метр - жеке үйлер.
Тұрғын үйлердің едәуір бөлігін – 6094,7 мың шаршы метрді немесе 96,8%-ын жеке құрылыс салушылар, оның ішінде, 2136,2 мың шаршы метрді халық пайдалануға берген.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
