KazTransOil Қазақстан ішіндегі мұнай тасымалы тарифін 80%-ға арттырады
Жаңа тариф бір жыл мерзімге бекітілді
«ҚазТрансОйл» АҚ ішкі нарыққа арналған қазақстандық мұнайды магистральдық құбырлар арқылы тасымалдау тарифін көтереді, деп хабарлайды Kapital.kz іскерлік ақпарат орталығы ұлттық компанияның баспасөз қызметіне сілтеме жасап.
«2026 жылғы 1 маусымнан бастап тариф 1 тонна үшін 7,23 теңгені (ҚҚС-сыз) құрайды. Бұл бұрынғы тарифпен салыстырғанда 3,21 теңгеге немесе 80%-ға жоғары. Тариф «Табиғи монополиялар туралы» Қазақстан Республикасы Заңының 20-бабы 5-тармағына сәйкес 2026 жылғы 1 маусымнан 2027 жылғы 31 мамырға дейінгі кезеңге бекітілді», – делінген хабарламада.
Бұған дейін «ҚазТрансОйл» директорлар кеңесі 2025 жылғы таза табысты бөлу және оның 80%-дан астамын дивиденд төлеуге бағыттау туралы ұсыныс жасағаны хабарланған болатын.
«ҚазТрансОйл» АҚ – «ҚазМұнайГаз» ҰК» АҚ компаниялар тобына кіретін магистральдық мұнай құбыры бойынша ұлттық оператор. Компанияның ұзындығы 5,2 мың шақырымды құрайтын әртараптандырылған магистральдық мұнай құбырлары желісі бар және жалпы ұзындығы 5 мың шақырымнан асатын бөгде ұйымдардың құбырларына қызмет көрсету бойынша операторлық қызмет көрсетеді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
