Питер Фостер Тимур Турловтың компаниясындағы директорлар кеңесінің құрамына кірді
Оның өкілеттік мерзімі — екі жыл
Air Astana компаниясының бұрынғы басшысы Питер Фостер Тимур Турловқа тиесілі, бұған дейін KTZ Air Cargo деп аталған Alatau Air Cargo жүк авиакомпаниясы Директорлар кеңесінің тәуелсіз мүшесі болып сайланды. Тасымалдаушы акционерлерінің жалпы жиналысы осындай шешім қабылдаған. Бұл туралы Қаржылық есептілік депозитарийінің порталына сілтеме жасап Kapital.kz іскерлік ақпарат орталығының тілшісі хабарлайды.
Компания акционерлері 2026 жылғы 22 мамырда жүк тасымалдаушының Директорлар кеңесін жаңарту туралы шешім қабылдады. Питер Фостердің жаңа лауазымдағы өкілеттік мерзімі Директорлар кеңесінің басқа мүшелері сияқты екі жылды қамтиды.
Тимур Турлов авиакомпанияның Директорлар кеңесінің төрағасы болды. Кеңес құрамына сонымен қатар Ерлан Койшибаев, Сергей Швалов және Айбек Қапар кірді. Питер Фостерден бөлек, Сергей Анашкин де Директорлар кеңесінің тәуелсіз мүшесі болып сайланды.
«Акционерлер тасымалдаушының бас директоры (басқарма төрағасы) Бектемиров мырзаны 2026 жылғы 21 мамырдан бастап қызметінен босату туралы шешім қабылдады. Компания бас директорының міндетін уақытша атқарушы болып 22 мамырдан бастап Нұрлан Жақыпов тағайындалсын», — делінген хабарламада.
Сондай-ақ акционерлер компания атауын KTZ Air Cargo-дан Alatau Air Cargo деп өзгерту туралы шешім қабылдады.
Тасымалдаушының заңды мекенжайы да өзгереді, ол Астанадан Қарағанды облысына ауыстырылмақ. eGov мәліметтері бойынша, компания атауы мен заңды мекенжайын өзгерту рәсімі 2026 жылғы 10 маусымда жүзеге асырылды.
Қазіргі Alatau Air Cargo — 2025 жылғы қазанда KTZ Express-тің еншілес кәсіпорны ретінде құрылған жүк авиакомпаниясы.
2026 жылдың көктемінде Freedom Holding Corp. негізін қалаушы бұл компаниядағы үлесті өзінің Turlov Private Holding құрылымы арқылы сатып алды. eGov мәліметтері бойынша, Turlov Private Holding компаниясының «KTZ Air Cargo» АҚ-дағы (қазіргі Alatau Air Cargo) 50%-дан астам үлесті сатып алу мәмілесі 30 наурызда тіркелді, бірақ оның сомасы жарияланбады. Жүк тасымалдаушының екінші бірлескен иесі — KTZ Express. Бұл — еліміздегі ұлттық мультимодальды логистика операторы және «Қазақстан темір жолы» компаниясының еншілес кәсіпорны.
Питер Фостер 20 жылдан астам уақыт бойы Air Astana компаниясын басқарды. 2026 жылғы 1 сәуірден бастап ол авиакомпанияның бас атқарушы директоры лауазымынан және Директорлар кеңесінен кетті. Оның тасымалдаушымен ынтымақтастықты Директорлар кеңесінің аға кеңесшісі ретінде жалғастыратыны хабарланған болатын. Енді тасымалдаушының бас атқарушы директоры лауазымына Ибрахим Жанлыел отырды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
