LinkedIn қызметкерлерінің 5%-ын қысқартуды жоспарлап отыр
Шамамен 875 адам қысқартуға ілігуі мүмкін
Жұмыс іздеу және іскерлік байланыстарға арналған LinkedIn әлеуметтік желісі бизнесті қайта ұйымдастыру аясында қызметкерлер штатын шамамен 5%-ға қысқартуды жоспарлап отыр, деп хабарлайды Интерфакс-Қазақстан.
Бұл туралы Reuters агенттігі екі дереккөзге сілтеме жасап хабарлады.
LinkedIn сайтындағы мәліметке сәйкес, компанияда 17,5 мыңнан астам адам жұмыс істейді. Осылайша, қысқарту шамамен 875 қызметкерге әсер етуі мүмкін.
Өткен тоқсанда компанияның кірісі жылдық мәнде 12%-ға өскені Microsoft Corp. қаржылық есебінде көрсетілген. Microsoft LinkedIn-ді 2016 жылы 26,2 млрд долларға сатып алған болатын.
Layoffs.fyi сайтының дерегінше, 2026 жылдың басынан бері әлемдік технологиялық компаниялар 103,57 мыңнан астам қызметкерді жұмыстан босатқан. Ал 2025 жылы 272 компаниядағы қысқарту көлемі 124,28 мың адамнан асқан.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
