• Басты бет
• Государство
• Астанада тәулігіне 1,5 мың тонна қалдықты қайта өңдейтін экопарк салынады

Астанада тәулігіне 1,5 мың тонна қалдықты қайта өңдейтін экопарк салынады

Инвестициялық жоба қытайлық EAST HOPE компаниясымен бірлесіп жүзеге асырылады

Астанада қалдықтарды қайта өңдеу жөніндегі экопарк салынады. Жобада қытайлық EAST HOPE компаниясының инвестициялық қатысуы бекітілген, деп хабарлайды Kapital.kz іскерлік ақпарат орталығы Сыртқы істер министрлігі Инвестициялар комитетінің баспасөз қызметіне сілтеме жасап.

«Қазақстан астанасында «Energy Astana» экопаркін салу және пайдалану бойынша инвестициялық жоба басталды. Тиісті келісімшартқа ҚР СІМ Инвестициялар комитетінің төрағасы Ғабидулла Оспанқұлов пен қытайлық EAST HOPE компаниясының директорлар кеңесінің төрағасы Цюаньюань Пэн қол қойды», - деп хабарлайды ведомство.

Жоба 2029 жылдың екінші жартыжылдығында іске қосылады деп жоспарланған. Бірінші кезеңде экопарктің қуаттылығы тәулігіне шамамен 1,5 мың тонна қалдықты қайта өңдеуді және 50 МВт электр энергиясын өндіруді қамтамасыз етеді. Оның жүзеге асырылуы 250 уақытша және 125 тұрақты жұмыс орнын құруға мүмкіндік береді.

Айта кетейік, бұған дейін Алматы облысында қатты тұрмыстық қалдықтарды сұрыптау және қайта өңдеу зауытының құрылысы басталғаны хабарланған болатын. Абай облысында 2025 жылы ҚТҚ полигоны салына бастады. Астанада 180 млн долларға қоқыс өртеу зауытының құрылысы басталған болатын.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз