Intel және Apple АҚШ-та чип шығару үшін күш біріктірмек
Ынтымақтастық жоспары туралы Дональд Трамп хабарлады
Америкалық Intel Corp. және Apple Inc. компаниялары АҚШ-та чиптерді әзірлеу мен өндіруді бірлесе қолға алады. Бұл туралы ел президенті Дональд Трамп Truth Social әлеуметтік желісінде мәлімдеді, деп жазады Интерфакс-Қазақстан.
«Мен Intel компаниясына көмектесуді жөн көрдім, өйткені бізге чиптерді осы жерде, дәл Американың өзінде жобалап, өндіру қажет», - деп жазды Трамп.
Былтыр Америка үкіметі Intel акцияларының 10%-ын сатып алған болатын.
Президенттің айтуынша, Apple компаниясы Илон Масқа тиесілі Nvidia және Terrafab жобаларынан кейін Intel-дің келесі серіктесіне айналмақ.
The Wall Street Journal газеті мамыр айында Intel компаниясы Apple үшін бірнеше чип түрін шығаратыны туралы алдын ала уағдаластыққа қол жеткізілгенін хабарлаған еді.
Аталған компаниялардың ешқайсысы бұл серіктестік туралы ақпаратты әлі ресми түрде растаған жоқ.
Бейсенбідегі алдын ала сауда-саттықта Intel акциялары бірден 9%-ға өсті. Ал Apple құнды қағаздары 0,5%-ға қымбаттап жатыр.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
