- Басты бет
- Технологиялар
- Шымкенттегі жылу желілерін тексерумен жасанды интеллектісі бар роботтар айналысады
Шымкенттегі жылу желілерін тексерумен жасанды интеллектісі бар роботтар айналысады
Пилоттық жоба қандай тиімділік көрсетті
Шымкенттегі жылу желілерін тексеру пилоттық жоба аясында жасанды интеллектісі бар роботтардың көмегімен жүргізілді, деп хабарлайды Kapital.kz іскерлік ақпарат орталығы Энергетика министрлігінің баспасөз қызметіне сілтеме жасап.
Жылу энергетикасы саласына цифрлық технологиялар мен жасанды интеллектіні енгізу мәселелері бойынша өткен білім беру семинарында белгілі болғандай, Шымкенттегі жылу желілерінің құбырішілік диагностикасын цифрлық технологиялар мен ЖИ-ді қолдана отырып жүргізу жобаның практикалық тиімділігін дәлелдеді, ал қол жеткізілген экономикалық тиімділік 76,2%-ды құрады.
Іс-шараның негізгі мақсаттары жобаны жүзеге асыру нәтижелерін көрсету, құбырішілік диагностика технологиялары мен жасанды интеллектіні қолданудың практикалық қырларын талқылау, тәжірибе алмасу және Қазақстанның өңірлерінде цифрлық шешімдерді одан әрі енгізу мен ауқымын кеңейту бойынша ұсыныстар әзірлеу болды.
Семинарда жылу энергетикасын цифрландырудың халықаралық тәжірибелері, жылу желілерін диагностикалау саласындағы заманауи шешімдер таныстырылды, сондай-ақ нормативтік-құқықтық базаны одан әрі дамыту, жылу желілерін пайдаланудың сенімділігін арттыру және жылумен жабдықтау инфрақұрылымын басқаруда тәуекелге бағытталған және болжамды тәсілді дамыту мәселелері талқыланды.
Айта кетейік, 2025 жылдың қазан айында роботтандырылған кешен мен ЖИ-ді қолдана отырып, жылу желілерінің құбырішілік дефектоскопиясы бойынша пилоттық жоба туралы хабарланған болатын.
Жөндеу жұмыстарын тиімді жоспарлау есебінен күтілетін экономикалық тиімділік 42 млрд теңгені құрайды. Ол кезде бұл кейс нормативтік бекіту және ауқымын кеңейту кезеңінде болатын.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
