- Басты бет
- Технологиялар
- Қазақстанда ауа райын енді жасанды интеллект болжайды
Қазақстанда ауа райын енді жасанды интеллект болжайды
Ауа райын болжау үшін суперкомпьютер және WRF моделі көмектеседі
Биылдан бастап «Қазгидромет» ауа райын болжау үшін жасанды интеллект элементтері бар цифрлық құралдарды қолдана бастады. Бұл туралы бүгін Үкімет отырысында Экология және табиғи ресурстар министрі Ерлан Нысанбаев айтты, деп хабарлайды Kapital.kz іскерлік ақпарат орталығы.
Оның сөзінше қазақстандық отандық гидрометеорологтар WRF сандық моделін (Weather Research and Forecasting – ауа райын сандық болжау моделі - ред) қолдана бастады. Ол 2 және 6 километрлік кеңістіктерде 48 сағат және 10 тәулікке дейінгі кезеңге болжам жасауға мүмкіндік береді.
«2 километрлік кеңістіктегі модель 2026 жылғы 1 қаңтардан бастап әл-Фараби университетінің суперкомпьютерлік орталығы базасында жүргізіледі. 6 километрлік кеңістіктегі модель 2026 жылғы 1 наурыздан бастап Астана қаласында орналасқан ұлттық суперкомпьютердің қуаты есебінен жүргізіледі», деді Ерлан Нысанбаев.
Министр аталған технологияларды пайдалану болжамдардың, оның ішінде агрометеорологиялық және гидрологиялық, сондай-ақ дауылды ескертулердің нақтылығын арттыруды қамтамасыз ететінін атап өтті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
