«Батыс» өңірлік қолбасшылығы әскерлерінің қолбасшысы қызметінен босатылды
Бұл қызметті Бауыржан Артықов екі жыл бойы атқарған
Мемлекет басшысының өкімімен Бауыржан Шұбайұлы Артықов «Батыс» өңірлік қолбасшылығы әскерлерінің қолбасшысы қызметінен босатылды, деп хабарлайды Kapital.kz іскерлік ақпарат орталығы Ақорданың баспасөз қызметіне сілтеме жасап.
Бауыржан Шұбайұлы Артықов 1973 жылғы 4 тамызда Шымкент облысы Сайрам ауданы Самсоновка ауылында дүниеге келген.
Білімі:
1991 жылы Оңтүстік Қазақстан облысы Сайрам ауданындағы №24 орта мектепті тәмамдаған;
1993 жылы ҚР Қарулы Күштерінің кіші офицерлер курстарын бітірген (мотоатқыш әскерлерінің офицері);
1994 жылы Алматы жоғары жалпыәскери командалық училищесін аяқтаған;
2006 жылы «Қайнар» университетін тәмамдаған (педагогика және психология);
2008 жылы Қазақстан Республикасының Тұңғыш Президенті – Елбасы атындағы Ұлттық қорғаныс университетін бітірген (әскери және әкімшілік басқару);
2019 жылы осы университетті «Әскери іс саласындағы стратегиялық менеджмент» мамандығы бойынша аяқтаған.
Еңбек жолы:
1991-1993 жылдары мерзімді әскери қызмет өткерген.
Взвод командирінен бастап Әуе-десант әскерлері қолбасшысының бірінші орынбасары – штаб бастығына дейінгі түрлі лауазымдарда қызмет атқарған.
2023 жылғы ақпаннан 2024 жылғы ақпанға дейін Қазақстан Республикасы Қарулы Күштері Бас штабының ұйымдастыру-жұмылдыру жұмыстары департаментінің бастығы болды.
2024 жылғы 5 ақпанда мемлекет басшысының өкімімен «Батыс» өңірлік қолбасшылығы әскерлерінің қолбасшысы болып тағайындалған.
II дәрежелі «Айбын» орденімен, мерейтойлық медальдармен және мінсіз қызметі үшін медальдармен марапатталған. Үйленген, 4 баласы бар.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
