Қазақстанда 500-ден астам жалған нөмірлі көлік анықталды
ІІМ жалған нөмірлі көліктерді анықтау үшін республика бойынша рейд өткізді
Қазақстанның Ішкі істер министрлігі 10-14 маусым аралығында жалған мемлекеттік тіркеу нөмірлік белгілерін пайдаланатын көлік құралдарын анықтау және ондай құқықбұзушылықтың алдын алу бойынша республикалық рейд өткізді, деп хабарлады Polisia.kz.
Тексеріс нәтижесінде 22 мыңнан астам жол жүру ережесін бұзу анықталды.
«Оның ішінде 500 көлік құралында жалған мемлекеттік тіркеу нөмірлік белгісі орнатылған. Бұдан басқа мемлекеттік тіркеу нөмірлік белгілерінсіз пайдаланылған 1,5 мыңнан астам көлік анықталды», делінген ақпаратта.
Сонымен қатар арнайы тұрақтарға шамамен 2,5 мың автокөлік қойылғанын атап өтті.
«Аталған фактілер жалған мемлекеттік тіркеу нөмірлік белгілерін пайдалану көбіне қасақана сипатқа ие екенін және құқық бұзушылықтар үшін жауаптылықтан жалтару мақсатында қолданылатынын көрсетеді», деп қосты министрілкте.
Ішкі істер министрлігі әрбір құқық бұзушылыққа тиісті құқытық баға беріліп, кінәлі тұлғалар заңнамада белгіленген тәртіппен жауапкершілікке тартылатынын ескертті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
