• Басты бет
• Государство
• Тәркіленген сағат 25 млн теңгеге сатылымға шығарылды

Тәркіленген сағат 25 млн теңгеге сатылымға шығарылды

Бағалау есебіне сәйкес, аксессуардың құны 38,2 млн теңгені құрайды, бұл аукционның бастапқы бағасынан 34%-ға жоғары

e-qazyna электронды платформасында сауда-саттыққа алтын жалатылған тәркіленген сағат шығарылды. Аукционды бастау жоспарланған баға – 25,1 млн теңге, деп хабарлайды Kapital.kz іскерлік ақпарат орталығының тілшісі.

Резеңке бауы бар, алтын жалатылған BOVET қол сағатын сату жоспарланып отыр. Бұйымның салмағы 93 граммды құрайды.

Бағалау туралы есептің мәліметтері бойынша, сағаттың құны 38,2 млн теңгені құрайды, бұл бастапқы бағадан 34%-ға жоғары. Сауда-саттық 2026 жылғы 30 сәуірде бағаны төмендету әдісімен өтеді. Аукцион барысында аксессуардың ең төменгі бағасы 2,5 млн теңгеден кем болмауы тиіс.

Сауда-саттыққа қатысу үшін қатысушы 1,2 млн теңге көлемінде кепілдік жарна енгізуі қажет.

Сағаттың кімнен тәркіленгені көрсетілмеген. Тек оның сауда-саттыққа Алматы қалалық Мемлекеттік мүлік және жекешелендіру департаменті тарапынан шығарылғаны хабарланды.

Еске сала кетейік, 2023 жылы Қазақстанда Қайтарылған активтерді басқару компаниясы құрылды. Осы жылы Арнайы мемлекеттік қор – жемқорлардан тәркіленген қаражат аударылатын қолма-қол ақшаның бақылау шоты құрылды. Қор қаражаты білім беру, денсаулық сақтау, инфрақұрылым салаларындағы әлеуметтік маңызды жобаларды қаржыландыруға және азаматтардың әлеуметтік осал санаттарын қолдауға бағытталады.

Бас прокурор Берік Асылов екі жыл ішінде мемлекетке 850 млрд теңгенің активтері қайтарылғанын хабарлады.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз