Қарағанды мен Шымкент арасында тікелей әуе рейстері ашылады
Жаңа бағыт 26 мамырдан бастап іске қосылады
Мамыр айында Қарағанды мен Шымкент арасында тікелей әуе рейстері ашылады, деп хабарлайды Kapital.kz іскерлік ақпарат орталығы Қарағанды облысы әкімдігінің баспасөз қызметіне сілтеме жасап.
«SCAT әуе компаниясы Қарағанды мен Шымкент арасында тікелей рейстерді іске қосады. 26 мамырдан бастап жолаушылар жаңа бағытты пайдалана алады – билеттер сатылымда», – делінген хабарламада.
Рейстер аптасына екі рет – сейсенбі және бейсенбі күндері орындалады. Сейсенбі күні Қарағандыдан ұшу уақыты 09:00-ге, ал бейсенбіде 23:00-ге жоспарланған.
Ұшу ұзақтығы 2 сағат 15 минутты құрайды. Жолаушыларды Boeing 737 ұшағы тасымалдайды. Билет бағасы 27 463 теңгеден басталады.
Еске салайық, 29 наурызда Ташкент – Атырау бағыты бойынша рейстер ашу жоспарланған болатын. Сонымен қатар, VietJet Air әуе компаниясы Ханой – Алматы – Прага бағыты бойынша жаңа маршрут іске қосылатынын хабарлады. Сондай-ақ Centrum Air әуе компаниясы Ташкент – Астана – Ташкент рейстерін ашатыны белгілі болды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
