Қазақстандағы нақты жалақы бірінші тоқсанда 2,3%-ға төмендеді
Орташа жалақы 461 мың теңгеге, медианалық жалақы 331 мың теңгеге жетті
Қазақстан бойынша 2026 жылдың І тоқсанында орташа айлық номиналды жалақы 461 486 теңгені құрады. Номиналды жалақы индексі өткен жылдың тиісті тоқсанына қарағанда 109,1%, нақты мәнде – 97,7% болды, деп хабарлайды Kapital.kz іскерлік ақпарат орталығы тілшісі Ұлттық статистика бюросының мәліметтеріне сілтеме жасап.
Жалақының медианалық мәні (жалақы қатарының орталық деңгейі) 2026 жылғы I тоқсанда бағалау бойынша 331527 теңгені құрады.
2025 жылғы тиісті тоқсанмен салыстырғанда орташа айлық жалақының ең жоғарғы өсімі ауыл, орман және балық шаруашылығы – 20,3%, қаржы және сақтандыру қызметі – 18,1%, сумен жабдықтау; су бұру; қалдықтарды жинау, өңдеу және жою, ластануды жою бойынша қызмет – 16,5 %, электр энергиясымен, газбен, бумен, ыстық сумен және ауаны кондициялаумен жабдықтау – 14,7%, көлік және жинақтау – 12,9%, өнеркәсіп – 11,6% салаларында байқалды.
Ал денсаулық сақтау және халыққа әлеуметтік қызмет көрсетуде орташа айлық жалақы – 7,0%-ға, білім беру – 4,2% өсті.
Өңірлік бөліністе 2025 жылдың тиісті тоқсанымен салыстырғанда 2026 жылдың I тоқсанында орташа айлық атаулы жалақының ең көп өсуі Абай облысында – 14,2%, Павлодар облысында – 12,4%, Жетісу облысында -12,2 %, Алматы облысында – 10,9% және Алматы қаласында – 10,7 % -ды құрады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
