Қазақстанда 6,5 млрд теңгеден астам заңсыз айналымның жолы кесілді
ҰҚК Шекара қызметі екі айдағы нәтижені жариялады
2026 жылдың ақпан-наурыз айларында ҰҚК Шекара қызметі 6,5 млрд теңгеден астам сомаға тең тауарлар мен валютаның заңсыз айналымына жол бермеді, деп хабарлайды Kapital.kz іскерлік ақпарат орталығы.
Ресми дерекке сәйкес, есепті кезеңде мемлекеттік шекарада 2 103 құқық бұзушылық фактісі анықталған. Оның ішінде 741 жағдайда жалпы құны 4,6 млрд теңгеден асатын халық тұтыну тауарлары заңсыз тасымалданбақ болған. Сонымен қатар 215 дерек бойынша 1,9 млрд теңге көлеміндегі валюта заңсыз өткізу әрекеттері тоқтатылды.
Бұдан бөлек, шекара қызметі 41 есірткі тасымалдау фактісін, 50 қару мен оқ-дәрі алып өту әрекетін (7 тегіс ұңғылы қару, 37 суық қару және 276 оқ-дәрі) сонлай-ақ 66 тоннадан астам жанар-жағармай өнімдерін заңсыз шығарудың 1 056 дерегін анықтаған.
Жалпы алғанда, екі ай ішінде 6 021 заң бұзушы ұсталған, оның 5 034-і шетел азаматтары.
Каспий теңізі акваториясында да заңсыз әрекеттер тіркелді. Браконьерліктің 13 фактісінің жолы кесіліп, алдын алынған экологиялық шығын көлемі 330 млн теңгеден асты.
Анықталған барлық деректер бойынша материалдар құқық қорғау және сот органдарына жолданған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
