«Байсат» базары қайтадан сатылымға шығарылды
Сауда нысанының бастапқы бағасы 28,64 млрд теңге
Алматыдағы ірі «Байсат» базары кіретін «Көтерме-бөлшек сауда орталығы» қайтадан сатылымға шығарылды. Сауда электронды форматта мемлекеттік мүлік тізілімінің sauda.e-qazyna.kz веб-порталында өтеді, деп хабарлайды Kapital.kz іскерлік ақпарат орталығы.
Бастапқы баға 28 639 882 000 теңгені құрайды. Аукцион 2026 жылғы 8 сәуірге белгіленген.
Айта кетейік, Қайтарылған активтерді басқару компаниясы бұл активті бұған дейін бірнеше рет сатуға әрекеттенген. Алдыңғы аукцион 2026 жылғы 5 ақпанға жоспарланған болатын. Ол кезде нысан 24,77 млрд теңге бастапқы бағамен ұсынылған. Сондай-ақ базар 2025 жылғы 18 қарашада (28,64 млрд теңге) және 2025 жылғы 26 желтоқсанда (26,71 млрд теңге) сатылымға шығарылған.
Бұған дейін хабарланғандай, аталмыш сауда орталығы кәсіпкер Қайрат Сатыбалдының ұлы Бауыржан Нұрсұлтанға тиесілі болған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
