China Resources New Energy $3,6 млрд IPO өткізуге дайындалып жатыр
Қаражат күн және жел энергетикасын дамытуға жұмсалады
China Resources Power компаниясының жаңартылатын энергетика саласындағы құрылымдық бөлімшесі – Қытайдың China Resources New Energy компаниясы Шэньчжэнь қор биржасында акцияларын IPO арқылы шамамен 24,5 млрд юань (3,62 млрд доллар) тартуды жоспарлап отыр, деп хабарлады Интерфакс-Казахстан.
Реттеуші органдарға жолданған құжаттарда көрсетілгендей, компания шамамен 2,1 млрд акциясын немесе өзінің акционерлік капиталының 16,2%-ға жуығын орналастырады. Стратегиялық инвесторлар орналастыру кезінде бағалы қағаздардың жартысын сатып алады, ал қалған бөлігі институционалдық және жеке инвесторлар арасында 70% және 30% арақатынасында бөлінеді.
Орналастырудан түскен қаражатты компания күн және жел электр станциялары желісін дамытуға бағыттайды.
Жоспарланған бұл IPO соңғы жылдардағы Қытайдағы ең ірі бағалы қағаздарды орналастырудың бірі болуы мүмкін, деп жазады Bloomberg. Жыл басынан бері 9 маусымға дейінгі кезеңде елде жалпы сомасы 28,3 млрд долларға акциялар орналастырылды, бұл өткен жылдың сәйкес кезеңімен салыстырғанда шамамен екі есе көп.
China Resources New Energy компаниясының бірінші тоқсандағы таза пайдасы жылдық көрсеткішпен салыстырғанда 31,1%-ға азайып, 1,62 млрд юаньді құрады, ал түсімі 2,8%-ға төмендеп, 6,21 млрд юаньге жетті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
