• Басты бет
• Мемлекет
• Президент жаңа Конституцияның ережелерін іске асыру үшін қабылданған заңдар пакетіне қол қойды

Президент жаңа Конституцияның ережелерін іске асыру үшін қабылданған заңдар пакетіне қол қойды

Бұл туралы Ақорданың баспасөз қызметі хабарлайды.

Мемлекет басшысы 2026 жылғы 15 наурызда қабылданған Конституцияның ережелерін іске асыру мақсатында конституциялық заңдарға қол қойды, деп хабарлайды Kapital.kz іскерлік ақпарат орталығы Ақорданың баспасөз қызметіне сілтеме жасап.

Атап айтқанда, президент келесі құжаттарға қол қойды:

1. «Қазақстан Республикасының Президенті туралы» конституциялық заңы

Заң Президенттің құқықтық мәртебесін, өкілеттіктерін және қызметін қамтамасыз ету тәртібін, сондай-ақ ҚР Вице-президентінің құқықтық мәртебесін айқындайды. Заңның негізгі жаңалығы Вице-президент институтының құрылуы болды. Мемлекет басшысының тапсырмасы бойынша Вице-президент мемлекеттік органдармен өзара іс-қимыл жасау кезінде оның мүдделерін білдіреді және президент айқындаған функцияларды орындайды.

2. «Қазақстан Республикасының Құрылтайы және оның депутаттарының мәртебесi туралы» конституциялық заңы

Конституциялық заң Кұрылтайдың ұйымдастырылуы мен қызметін, заң шығару процесін және Кұрылтай өкілеттіктерін жүзеге асырудың басқа да нысандарын, оның депутаттарының құқықтық мәртебесін айқындайды. Кұрылтай заң шығару билігін жүзеге асыратын жоғары өкілді орган болып табылады. Кұрұлтай партиялық тізімдер бойынша сайланатын 145 депутаттан тұрады. Кұрұлтай депутаттарының өкілеттік мерзімі – 5 жыл. Органды мемлекеттік тілді еркін меңгерген депутаттардың арасынан жасырын дауыс беру арқылы, көпшілік дауыспен сайланатын Төраға басқарады. Заңмен Кұрұлтайдың кең ауқымды өкілеттіктері айқындалған, соның ішінде Вице-президентті, Премьер-министрді, Конституциялық сот судьяларын, Орталық сайлау комиссиясының, Жоғары аудиторлық палатаның мүшелерін тағайындауға келісім беру, Қазақстан президентінің ұсынуы бойынша Жоғарғы сот судьяларын сайлау және лауазымдарынан босату, Конституциялық сот судьяларын, Жоғарғы сот судьяларын тиіспеушілік құқығынан айыру; Президент сайлауын тағайындау, Үкімет пен Жоғары аудиторлық палатаның республикалық бюджеттің атқарылуы туралы есептерін бекіту бойынша өкілеттіктер бар.

3. «Қазақстан Халық Кеңесі туралы» конституциялық заңы

Конституциялық заң Қазақстан Халық Кеңесінің құқықтық мәртебесін, өкілеттіктерін, құрылу тәртібін, құрамын қалыптастыруды және қызметін ұйымдастыруды айқындайды. Қазақстан Халық Кеңесі жоғары консультативтік орган болып табылады. Ол жалпыұлттық диалогты қамтамасыз ету және елдің ішкі саясатын қалыптастыруға азаматтық қоғамның қатысуы мақсатында құрылады, кең ауқымды өкілеттіктерге, соның ішінде заңнамалық бастамашылыққа және бүкілхалықтық референдум өткізуге бастамашылық жасау құқығына ие. Құрамы Қазақстан Республикасы азаматтарынан паритеттік негізде этномәдени бірлестіктерден, қоғамдық бірлестіктерден, сондай-ақ мәслихаттардан және елорданың, облыстардың және республикалық маңызы бар қалалардың қоғамдық кеңестерінен 42 адамнан қалыптастырылады және ҚР Президентімен бекітіледі. Қазақстан Халық Кеңесіне басшылықты төраға жүзеге асырады. Халық Кеңесінің өкілеттік мерзімі 4 жыл.

4. «Қазақстан Республикасы астанасының мәртебесі туралы» конституциялық заңы

Конституциялық заң елорданың жұмыс істеуі саласындағы қоғамдық қатынастарды реттейді, оның қызметінің құқықтық, экономикалық және ұйымдық негіздерін айқындайды. Құжат мәслихаттың, жергілікті өзін-өзі басқару органдарының және қала Әкімінің басшылығымен жергілікті атқарушы органның өкілеттіктерін нақты шектейді. Заң қаланың бірыңғай сәулеттік келбеті мен дизайн-кодына қойылатын міндетті талаптарды белгілейді, сондай-ақ ведомстволық бағынысты ұйымдардың елорданың тыныс-тіршілігін қамтамасыз ету және инфрақұрылымдық дамуы бойынша өкілеттіктерін бекітеді.

5. «Қазақстан Республикасының әкiмшiлiк-аумақтық құрылысы туралы» конституциялық заңы

Конституциялық заң әкімшілік-аумақтық бірліктерді құру және тарату, олардың шекараларын белгілеу және өзгерту, әкімшілік-аумақтық бірліктерді есепке алу және тіркеу, атау беру және қайта атау тәртібін айқындайды. Әкімшілік-аумақтық құрылыстағы қоғамдық қатынастарды мемлекеттік реттеудің мақсаты тиімді мемлекеттік басқару үшін ҚР-ның ұтымды аумақтық ұйымдастырылуын қамтамасыз ету болып табылады.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз