• Басты бет
• Назначения
• Ерболат Досаев «Бәйтерек» директорлар кеңесі құрамынан шығарылды

Ерболат Досаев «Бәйтерек» директорлар кеңесі құрамынан шығарылды

Шешімді холдингтің жалғыз акционері болып табылатын Үкімет қабылдады

Ерболат Досаев «Бәйтерек» мемлекеттік холдингінің директорлар кеңесі құрамынан шығарылды. Мұндай шешімді холдингтің жалғыз акционері – Үкімет қабылдады, деп хабарлайды Kapital.kz іскерлік ақпарат орталығы Қазақстан қор биржасы KASE сайтына сілтеме жасап.

««Бәйтерек» ұлттық инвестициялық холдингі» АҚ (KASE тикері – BTRK) жалғыз акционерінің 2026 жылғы 7 сәуірдегі шешімімен Досаев Е.А. қоғамның директорлар кеңесі құрамынан шығарылды. Енгізілген өзгерістерді ескере отырып, «Бәйтерек» ұлттық инвестициялық холдингінің директорлар кеңесі 9 адамнан тұрады», – делінген хабарламада.

Айта кетейік, 4 сәуірде Ерболат Досаевтың «Самұрық-Қазына» директорлар кеңесі құрамынан да шығарылғаны белгілі болды.

2026 жылғы 25 наурызда Мемлекет басшысының Жарлығымен ол Қазақстан Республикасы Президенті Әкімшілігі басшысының орынбасары қызметінен де босатылды. Ол бұл лауазымды 2025 жылғы 19 қыркүйектен бастап атқарған.

Досаев Ерболат Аскарбекұлы 1970 жылғы 21 мамырда дүниеге келген. Алматы энергетика институтын, сондай-ақ Бауман атындағы Мәскеу мемлекеттік техникалық университетін бітірген.

Еңбек жолы:

1993-1994 жылдары – МНПП «Искер» менеджері.

1994 жылы – МП «Вега» директорының орынбасары.

1994-1996 жылдары – «Фирма «Акцепт» ЖШС директорының орынбасары, директоры.

1996-1997 жылдары – «Акцепт» корпорациясы» ЖАҚ директоры, бірінші вице-президенті, бас директоры.

1997 жылы – «ТұранӘлем Банк» ЖАҚ басқарма төрағасының орынбасары.

1997 жылғы тамыздан 1998 жылғы наурызға дейін – «Алматы сауда-қаржы банкі» ЖАҚ басқарма төрағасы.

1998 жылғы наурыздан шілдеге дейін – Қазақстан Республикасы Премьер-Министрінің кеңесшісі.

1999-2001 жылдары – Қазақстан Республикасының Бағалы қағаздар жөніндегі ұлттық комиссиясының мүшесі.

1998-2000 жылдары – Қазақстан Республикасының энергетика, индустрия және сауда вице-министрі.

2000-2001 жылдары – Қазақстан Республикасының қаржы вице-министрі.

2001-2002 жылдары – Қазақстан Республикасының Табиғи монополияларды реттеу, бәсекелестікті қорғау және шағын бизнесті қолдау агенттігінің төрағасы.

2002-2003 жылдары – Қазақстан Республикасының Табиғи монополияларды реттеу және бәсекелестікті қорғау агенттігінің төрағасы.

2003-2004 жылдары – Қазақстан Республикасының қаржы министрі, Қазақстандағы Еуропалық қайта құру және даму банкінің (ЕҚДБ) басқарушысы.

2004-2006 жылдары – Қазақстан Республикасының денсаулық сақтау министрі.

2012–2013 жылдары – Қазақстан Республикасының экономикалық даму және сауда министрі.

2013-2014 жылдары – Қазақстан Республикасының экономика және бюджеттік жоспарлау министрі.

2014-2016 жылдары – Қазақстан Республикасының ұлттық экономика министрі.

2016 жылғы шілдеден 2017 жылғы 29 тамызға дейін – «Бәйтерек» ұлттық басқарушы холдингінің басқарма төрағасы.

2017 жылғы 29 тамыздан 2019 жылғы 25 ақпанға дейін – Қазақстан Республикасы Премьер-Министрінің орынбасары.

2019-2022 жылдары – Қазақстан Республикасы Ұлттық Банкінің төрағасы.

2022 жылғы қаңтардан 2025 жылғы 24 мамырға дейін – Алматы қаласының әкімі.

2025 жылғы 19 қыркүйектен 2026 жылғы 25 наурызға дейін – Қазақстан Республикасы Президенті Әкімшілігі басшысының орынбасары.

Басқа лауазымдары:

2017 жылғы 9 қазаннан – Ұлттық Банк басқармасына кірді.

2017 жылғы 20 қазаннан – «Даму» кәсіпкерлікті дамыту қоры директорлар кеңесінің төрағасы болды.

2025 жылғы желтоқсан – «Бәйтерек» ұлттық инвестициялық холдингінің директорлар кеңесіне кірді.

2025 жылғы желтоқсан – «Самұрық-Қазына» қоры директорлар кеңесіне кірді.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз