Қашағанда қуаттылығы 2,5 млрд текше метрлік жаңа газ зауытының құрылысы басталды
Жаңа газ өңдеу зауытын қытайлық консорциум салады
Энергетика министрі Ерлан Ақкенженовтің төрағалығымен Қашаған кен орнында қуаттылығы жылына 2,5 млрд текше метр газ өңдеу зауытын салу жобасын іске асыру мәселелері бойынша кеңес өтті. Қазіргі уақытта Қашаған кен орнында қуаттылығы жылына 1 млрд текше метр болатын газ өңдеу зауытының құрылысы қарқынды жүргізілуде, деп хабарлайды Kapital.kz іскерлік ақпарат орталығы Энергетика министрлігінің баспасөз қызметіне сілтеме жасап.
Кеңес барысында жобаның ағымдағы жай-күйі, мүдделі тараптар арасындағы үйлестіру мәселелері, сондай-ақ нысанды белгіленген мерзімде пайдалануға беруді қамтамасыз етуге бағытталған шаралар талқыланды.
Энергетика министрі Ерлан Ақкенженов Қашағандағы қуаттылығы 2,5 млрд текше метр болатын газ өңдеу зауытын салу жобасы нақты іске асыру кезеңіне өткенін атап өтті.
Сонымен қатар, Үкіметтің қаулысымен жобаның EPC-мердігері ретінде China National Chemical Engineering Sixth Construction Company Kazakhstan Branch және China Wuhuan Engineering Corporation Ltd компанияларынан құралған консорциум айқындалғаны атап өтілді.
Кеңес қорытындысы бойынша жобаға қатысушы барлық тараптарға жұмыстарды тиімді үйлестіруді және жобаны іске асыру мерзімдерін сақтау үшін сындарлы өзара іс-қимылды қамтамасыз етуді тапсырылды,
Сондай-ақ «QazaqGaz» ҰК» АҚ-на жобаны іске асыру барысы, қабылданып жатқан шаралар және туындаған мәселелер туралы ақпаратты жедел түрде шешуге ықпал ету мақсатында Қазақстан Республикасы Энергетика министрлігіне ай сайын ұсынып отыру тапсырылды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
