Қазақстан Азия елдеріне ауыл шаруашылығы өнімдерінің экспортын арттырады
Қазақстандық соя мен ұн Гонконг арқылы экспортталады
Азық-түлік келісімшарт корпорациясы мен Soy Sky Farm Tech Company Limited (Гонконг) Қытай мен Оңтүстік-Шығыс Азияға дәнді дақылдар, бұршақ дақылдары, майлы дақылдар және бидай ұны экспортын дамытуды көздейтін ынтымақтастық туралы меморандумға қол қойды, деп хабарлайды Kapital.kz іскерлік ақпарат орталығы Ауыл шаруашылығы министрлігінің баспасөз қызметіне сілтеме жасап.
Серіктестер Гонконгты өңірлік сауда қақпасы ретінде пайдалана отырып, қазақстандық ауыл шаруашылығы өнімдерінің Азия нарығына шығуына мүмкіндіктер ашуды көздейді.
Бастапқы сатыда тараптар әлеуетті сатып алушылардың қажеттіліктері, Қазақстанның экспорттық мүмкіндіктері және ынтымақтастықтың перспективалы бағыттары туралы ақпарат алмасуды, сондай-ақ сауда және логистика саласындағы өзара іс-қимыл тетіктерін пысықтауды жоспарлап отыр.
«Келісімге сәйкес Soy Sky Farm Tech Co. Ltd сату арналары мен логистиканы дамытуға ықпал етеді, Азия-Тынық мұхиты өңірінің елдері бойынша нарықтық сараптаманы ұсынады, сондай ақ қазақстандық соя мен өңделген өнімдерді халықаралық нарықтарда ілгерілетуге қатысады. Азық-түлік келісімшарт корпорациясы өз кезегінде өнімнің экспортқа дайындықғын үйлестіруге, тұрақты жеткізілімді қамтамасыз етуге және отандық ауыл шаруашылығы өндірушілерімен ынтымақтастықты кеңейтуге назар аударады», делінген министрлік ақпаратында.
«Азық-түлік келісімшарт корпорациясы» ҰК» АҚ басқарма төрағасының орынбасары Самат Теңбаевтың айтуынша, Гонконгтік компаниямен ынтымақтастық Азия нарықтарындағы қазақстандық ауыл шаруашылығы өнімдерінің қатысуын кеңейтуге мүмкіндік береді.
«Біз шетелдік серіктестеріміздің қазақстандық ауыл шаруашылығы өнімдеріне деген тұрақты қызығушылығын көріп отырмыз. Гонконгта дамыған сауда инфрақұрылымы және Азия-Тынық мұхиты өңіріндегі нарықтармен кең байланыс бар. Меморандумға қол қою ынтымақтастықты одан әрі дамытуға, жаңа сату арналарын іздестіруге және отандық өндірушілердің өнімдерін сыртқы нарықтарға жылжытуға негіз қалайды», - деп атап өтті Самат Теңбаев.
Сонымен қатар кездесуде Қазақстанда соя өндірісі мен өңдеуді дамыту мәселесі талқыланды. Гонконгтік серіктестер қазақстандық фермерлерге қолайлы соя тұқымдарын ұсынуға дайын.
Алдын ала келіссөздер барысында қатысушылар ауыл шаруашылығы өндірушілері үшін форвардтық және басқа да қаржыландыру құралдарын қолдануды талқылады. Мемлекеттік ауыл шаруашылығы саясатының егістік алқаптарын әртараптандыруға бағытталғанын ескере отырып, соя өсіруге арналған перспективалы дақыл ретінде қарастырылады.
Айта кетейік, Soy Sky Farm Tech Company Limited ауыл шаруашылығы өнімдерінің халықаралық саудасын дамытуға, агроөнеркәсіптік кешен үшін шикізат жеткізуге және Азия нарықтарында өсімдік шаруашылығы және ауыл шаруашылығы өнімдерін өңдеу саласындағы жобаларды ілгерілетуге маманданған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
