Қазақстанда тағы бір креативті хаб ашылды
Atyrau Creative Hub кәсіпкерлерді, IT мамандарын және шығармашылық қоғамдастықты біріктіреді
Атырауда креативті индустрияларды және өңірдің инновациялық ортасын дамыту үшін жасалған заманауи көпфункционалды кеңістік — Atyrau Creative Hub ашылды. Бұл туралы Қазақстанның Мәдениет және ақпарат министрлігі хабарлады.
Хабтың инфрақұрылымы коворкинг-аймақтарын, конференция залдарды, кітапхананы, медиастудияларды, оқу аудиториялары мен резиденттерге арналған кеңселерді қамтиды.
Қызмет үш бағыт бойынша жүргізіледі: креативті индустрияларды дамыту, жасанды интеллектіні қолдану және әлеуметтік жобаларды қолдау. Ашылу күні мұнда жергілікті кәсіпкерлердің жәрмеңкесі, тақырыптық көрмелер, шеберлік сағаттары мен дәрістер өткізілді. Сондай-ақ сала өкілдерімен кездесу өтіп, онда мемлекеттік және жеке қолдау шаралары талқыланды.
Хаб базасында IT, медиа, дизайн және кәсіпкерлік салаларында білім беру бағдарламаларын іске асыру жоспарлануда. Кеңістік өңірдің креативті экожүйесін қалыптастыру және жаңа бастамаларды қолдау үшін стратегиялық алаңға айналады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
