Италияда қазақстандық студент қаза тапты
Қазақстанның елшілігі мен құзырлы органдар оқиғаның мән-жайын анықтап жатыр
Италияда Қазақстаннан барған студент көз жұмды. Бұл ақпаратты ҚР Сыртқы істер министрлігі растады, деп хабарлады Kazinform.
Жас жігіттің қазасы туралы ақпарат бұған дейін әлеуметтік желілерде тараған болатын. Қолда бар мәліметтерге сүйенсек, марқұм Орал қаласындағы НЗМ түлегі, Кассино қаласындағы Unicas университетінің үшінші курсында оқыған. Алдын ала болжам бойынша, оның өліміне суға батып кетуі себеп болуы мүмкін.
«Қазақстан Республикасының Сыртқы істер министрлігі марқұмның туған-туыстары мен жақындарына қайғырып көңіл айтады. Біздің елшілік пен Италияның құзырлы органдары оқиғаның мән-жайын анықтап жатыр», — деп хабарлады ҚР СІМ.
Ведомство, сонымен қатар, қазақстандық дипломаттардың марқұмның туыстарымен байланыста отырғанын және оларға қажетті консулдық-құқықтық көмек көрсетіп жатқанын атап өтті.
Бұған дейін Бурятияда қар көшкіні кезінде бір қазақстандықтың қаза тапқаны хабарланған еді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
