- Басты бет
- Технологиялар
- eGov.kz порталында бизнес үшін мемлекеттік нөмірлерді онлайн таңдау қызметі іске қосылды
eGov.kz порталында бизнес үшін мемлекеттік нөмірлерді онлайн таңдау қызметі іске қосылды
Жақын арада бұл функция мобильді қосымшада да қолжетімді болады
eGov.kz порталында заңды тұлғаларға арналған көлік құралдарының мемлекеттік нөмірлерін онлайн тапсырыспен алу мүмкіндігі пайда болды. Енді компаниялар өз автокөліктеріне арналған нөмірлерді тікелей сайтта таңдап, брондай алады, деп хабарлайды іскерлік ақпарат орталығының Kapital.kz «ҰАҚ» АҚ баспасөз қызметіне сілтеме жасап.
Жақын арада дәл осындай сервис eGov Business мобильді қосымшасының басты бетінде де пайда болады. Бұған дейін бұл қызмет тек жеке тұлғаларға ғана қолжетімді болатын.
Еске сала кетейік, 2026 жылдан бастап мемлекеттік нөмірлердің тізбесі кеңейтіліп, ол «қалаулы» және «айналы» санаттарын қамтиды. eGov.kz порталында қызметті пайдалану үшін келесі әрекеттерді орындау қажет:
• eGov.kz порталында авторландырудан өтіп, «Азаматтарға» – «Көлік және коммуникациялар» – «Автомобиль көлігі» бөліміне өту;
• «Автокөлікке мемлекеттік тіркеу нөмірі белгісіне тапсырыс беру» қызметін таңдау;
• қалаулы нөмір мен комбинацияны іздеуді жүзеге асыру;
• егер көрсетілген нөмір бос болмаса, басқасын енгізу қажет;
• егер нөмір бос болса, оның құны АЕК және теңге түрінде көрсетіледі;
• барлық міндетті өрістерді толтыру (нөмір берілетін облысты, ХҚКО-ны және нөмірдің түрін таңдау);
• мемлекеттік бажды төлеу;
• өтінімге қол қою құқығы бар ЭЦҚ-мен қол қою;
• жеке кабинетте («Қызметтерді алу тарихы» бөлімінде) қалыптасқан электрондық құжатпен және сұраныс нәтижесі туралы хабарламамен танысу.
Дайын нөмірді бұған дейін көрсетілген ХҚКО-дан алып кету қажет. Нөмір ұйымға ХҚКО-да автокөліктің мемлекеттік тіркеу нөмірі берілгеннен кейін бекітілетінін атап өту маңызды.
Осылайша, азаматтар автокөлікті қайта ресімдеген немесе сатып алған жағдайларда, нөмірдің ХҚКО-да берілуге дайын екендігіне көз жеткізу қажет.
Аталған қызметті көрсету ережелеріне сәйкес нөмірлерді беру мерзімі: Астана және Алматы қалалары үшін – 5 жұмыс күні ішінде, облыстар мен Шымкент қаласы үшін – 15 жұмыс күні ішінде деп белгіленген.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
