• Басты бет
• Государство
• 2026 жылы мүгедектігі бар жандар үшін қолжетімділік деңгейі артады

2026 жылы мүгедектігі бар жандар үшін қолжетімділік деңгейі артады

Бүгінгі таңда қолжетімділіктің интерактивті картасында 43 мыңға жуық нысан тіркелген

Бүгінгі таңда Қазақстанда мүгедектігі бар жандарға арналған ортаның қолжетімділігінің интерактивті картасында 43 мыңға жуық нысан тіркелген. Оның ішінде 28,5 мың нысан немесе 67%-ы толық бейімделген. Бұл туралы үкімет отырысында Еңбек және халықты әлеуметтік қорғау министрі Асқарбек Ертаев мәлімдеді, деп хабарлайды Kapital.kz іскерлік ақпарат орталығы.

«2024 жылы бейімдеу бойынша көрсеткіштің орындалуы 53%-ды құрады 2025 жылы – 64%. 2026 жылы 34 мың (34 349) әкімшілік, коммерциялық және әлеуметтік нысанның қолжетімділігін қамтамасыз ете отырып, бұл көрсеткішті 80%-ға жеткізу міндеті қойылды. Өңірлік тұрғыда қолжетімділік бойынша жоғары көрсеткіштер Жетісу (85%), Батыс Қазақстан (79%) және Алматы (76%) облыстарында байқалады. Бұл ретте кейбір өңірлерде артта қалып отыр: Маңғыстау облысында (51%), сондай-ақ Ұлытау облысында (44%). Бұл жерде әкімдіктер тарапынан жұмысты күшейту талап етіледі», - деді министр.

Бұдан әрі ол арнаулы әлеуметтік қызметтер көрсету сапасын арттыру үшін қабылданып жатқан шаралар туралы баяндады. Өткен жылдан бастап мұндай ұйымдарды лицензиялау енгізілді.

«Бүгінгі таңда лицензия негізінде 101 мың адамды қамтитын 622 ұйым қызметін жүзеге асыруда. Алдағы трансформация мемлекеттік ұйымдарды жан басына шаққандағы қаржыландыруға көшірумен (қазіргі уақытта міндеттемелер мен төлемдер бойынша қаржыландыру жоспары аясында жұмыс істейді); нақтырақ жоспарлау үшін орталықтарды картаға түсіруді енгізумен (орталықтардың қуаттылығы, жүктемесі, кезек, кадрлармен қамтамасыз етілуі, қызмет алу маршруттарын құру) байланысты болады», - деді Асқарбек Ертаев.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз