• Басты бет
• Государство
• Қазақстан авиациялық қауіпсіздік бойынша Еуропа елдерін басып озды

Қазақстан авиациялық қауіпсіздік бойынша Еуропа елдерін басып озды

Республика авиациялық қауіпсіздік бойынша әлемдегі ТОП-20 елдің қатарына енді

ҚР Көлік министрлігі Азаматтық авиация комитетінің төрағасы Салтанат Томпиева ICAO Global Implementation Support Symposium (GISS 2026) симпозиумы аясында Халықаралық азаматтық авиация ұйымы Кеңесінің Президенті Тошиюки Онумамен кездесті, деп хабарлайды Kapital.kz іскерлік ақпарат орталығы Көлік министрлігінің баспасөз қызметіне сілтеме жасап,

Іс-шараға қатысқан ИКАО-ның EUR/NAT бюросының өңірлік директоры Николас Ралло Қазақстанның бірегейлігін атап өтті.

«Біз стратегия мен серіктестіктің үлгісін көрсетіп отырған мемлекетті көріп отырмыз. Бұрын ИКАО-дан қолдау алып келсе, қазір Қазақстан өз білімімен және іс-тәжірибесімен бөлісе отырып, басқа мемлекеттерге қолдау көрсетуде. Бұл үшін біз өте ризамыз», деді Ралло.

Азаматтық авиация комитетінің төрағасы Салтанат Томпиеваның мәліметінше, еліміздің авиациялық қауіпсіздік көрсеткіші 62%-дан 95,7%-ға дейін өскен.

«Бұл Қазақстанға әлемдегі ТОП-20 елдің қатарына кіруге мүмкіндік берді. 2025 жылы Қазақстандағы жолаушылар ағыны пандемияға дейінгі кезеңмен салыстырғанда 80%-ға артты. Ұшу қауіпсіздігі бойынша Қазақстанның көрсеткіші 2009 жылғы 47%-дан 2025 жылы 82%-ға дейін көтерілді. Бұл өсім әлемдік орташа деңгейден (69,3%) және жалпыеуропалық көрсеткіштен (76%) 35%-ға жоғары», деді Томпиева.

Айта кетейік, Қазақстан – теңізге шыға алмайтын, жалпы халқы 500 миллионнан асатын 32 дамушы елдің (LLDC) ішіндегі ең ірісі. Қазіргі уақытта ИКАО Кеңесінде осы санаттағы елдердің ішінен тек Мали мен Уганда ғана мүшелік мәртебеге ие.

Салтанат Томпиева, сондай-ақ ИКАО Кеңесінің Президентіне көлік оқиғаларын тергеу жөніндегі тәуелсіз органның құрылғаны, Астанада заманауи авиациялық оқу орталығын ашу жоспарлары және авиациялық инфрақұрылымды жаңғыртудың ауқымды бағдарламасының іске асыру жоспарлары туралы хабардар етті.

Кездесу соңында ААК төрағасы ИКАО Кеңесінің Президентін Қазақстанға келуге және авиациялық қауіпсіздік саласындағы маңызды халықаралық іс-шаралардың бірі – осы жылдың қазан айының 20-22 аралығында Қазақстанда өтетін 2026 жылғы ИКАО-ның авиациялық қауіпсіздік апталығы жаһандық симпозиумына (ICAO Security Week) қатысуға шақырды.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз