- Басты бет
- Государство
- Енді сақтандыруы мен техбайқауы жоқ жүргізушілер автоматты түрде анықталады
Енді сақтандыруы мен техбайқауы жоқ жүргізушілер автоматты түрде анықталады
Цифрлық жүйе арқылы 10 мыңнан астам заң бұзушы анықталды
Қазақстанда жол қауіпсіздігін бақылау күшейді. Цифрлық жүйе енді сақтандыруы мен техбайқауы жоқ жүргізушілерді автоматты түрде анықтайды, деп хабарлайды Kapital.kz іскерлік ақпарат орталығы Ішкі істер министрлігіне сілтеме жасап.
Ведомство хабарлағандай, процестерді цифрландыру аясында жолдағы бірқатар құқық бұзушылықты анықтау интеграцияланған ақпараттық жүйелер мен мемлекеттік деректер базаларын пайдалану арқылы автоматты режимде жүзеге асырылады.
Қазір ІІМ жол қауіпсіздігін қамтамасыз ету және жол жүрісіне қатысушылардың барлығы үшін тең жағдай қалыптастыру мақсатында бұл жұмысты күшейтіп жатыр.
Республика бойынша әкімшілік өндірістердің біріңғай тізілімі жүйесімен интеграцияланған мемлекеттік деректер базаларының мәліметтерін пайдалану арқылы сақтандыру полисі жоқ 5 мыңнан астам дерек, ал техникалық байқаудан өтпеген 5,5 мыңнан астам дерек анықталған.
Сонымен қатар цифрлық жүйелер қауіпсіздік белдігін тақпауға байланысты шамамен 700 құқық бұзушылық пен көлік құралын басқару кезінде телефон қолданудың 6 дерегін анықтады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
