Қазақстан өңірлерінде жаңа әскери мектеп-интернаттар ашылады

Жыл соңына дейін Қазақстанда жыл сайын кемінде 700 мың жас азаматты қамтитын әскерге шақыруға дейінгі даярлық жүйесін іске қосу жоспарланып отыр, деп хабарлайды Kapital.kz іскерлік ақпарат орталығы Қазақстанның Қорғаныс министрлігіне сілтеме жасап.

Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабековтің мәліметінше, алғашқы әскери, әскерге шақыруға дейінгі және тереңдетілген даярлықтың сапасын арттыру жөніндегі шаралар кешені әзірленген.

Бүгінде ведомствода білім беру ұйымдарындағы әскери даярлық және цифрландыру басқармасы құрылған. Сонымен қатар, әскерге дейінгі даярлықты жүргізетін білім беру ұйымдарының электрондық тізілімі әзірленді. Бұл олардың есебін жүргізуге, даярлық сапасын бағалауға және әскери-патриоттық тәрбиені дамытуға мүмкіндік береді.

«Білім беру ұйымдарында 700 мың адамды қамти отырып, әскери даярлық сапасына мониторинг жүргізу және оларды талдау қағидалары қабылданды. Одан өзге оқу-материалдық базаға, оқушылардың киім үлгісіне бірыңғай талаптар енгізіліп, басшылар мен оқытушыларға қойылатын біліктілік талаптары айқындалды», делінген ақпаратта.

Сонымен қатар 10–11 сынып оқушылары арасында бастапқы әскери дайындық бойынша жыл сайынғы жарыстар өткізу тәжірибесі енгізіліп жатыр. Алғашқы жиындар биыл мамыр айында Абай, Жамбыл және Батыс Қазақстан облыстарында өтеді жһдеп жоспарланған.

Сондай-ақ әскери іс негіздерін қамтитын қосымша білім беру бағдарламасы бекітілді.Әскери мектеп-интернат директорлары мен бастапқы әскери дайындық оқытушыларына қойылатын талаптар жаңартылды. Соған сәйкес, оықутышардың міндетті түрде әскери қызмет өтілі немесе запастағы офицерлер бағдарламасы бойынша даярлығы болуы керек.

Ал бастапқы әскери дайындық ұстаздары енді тек әскери оқу орындары базасында ғана біліктіліктерін арттыратын болады. Запасқа шығарылатын әскери қызметшілерге педагогикалық білімге теңестірілген педагогикалық қайта даярлау бағдарламасы қарастырылған. Бұл бастапқы әскери дайындық сабағын мектептер мен колледждерде беруге рұқсат етеді.

Қазір министрлік әкімдіктермен бірлесіп, елдің барлық өңірінде тереңдетілген әскерге дейінгі даярлықты жүргізетін мамандандырылған мектептер ашуды жоспарлап отын. Биыл әскери мектеп-интернаттар Алматы және Түркістан облыстарында ашылады.