Батыс Қазақстан, Курчатов пен Қостанайда АЭС салынуы мүмкін
Атом энергиясы жөніндегі агенттік басшысы осылай деп есептейді
Атом энергиясы жөніндегі агенттік басшысы Алмасадам Сәткалиев болашақта Қазақстанның батысында, Курчатов пен Қостанайда атом электр станциялары (АЭС) салынуы мүмкін деп есептейді, деп хабарлайды Интерфакс-Казахстан.
«Біз перспективада үш, алдағы уақытта төрт АЭС құрылысын көріп отырмыз. Бірінші кезекте, бұл Балқаш маңы аймағы, Курчатов, энергетикалық қондырғыларды пайдалану тәжірибесімен Батыс Қазақстан, Қазақстанда қазір зерттеп жатқан басқа да алаңдар бар. Энергия теңгеріміне сүйенсек – Қостанай да, болашақта 20-30 жылдан кейін, АЭС құрылысы үшін перспективалы орынға айналуы мүмкін», - деді Алмасадам Сәткалиев сейсенбі күні Астанада журналистерге.
Агенттік басшысы екі АЭС-ті Балқашта орналастыру туралы шешім қабылданып қойғанын атап өтті.
Еске сала кетейік, 2026 жылғы 17 сәуірде Президент «Қазақстан Республикасының атом саласын дамытудың 2050 жылға дейінгі стратегиясын» бекітті. Стратегияны іске асыру 2050 жылға қарай Қазақстанда кемінде үш АЭС жұмыс істейтінін қарастырады. Сондай-ақ төртінші станцияны салу жобасын іске асыру көзделген. Шағын модульдік реакторлар негізінде АЭС салу нұсқалары да қарастырылатын болады.
2026 жылғы 2 ақпанда Премьер-министр Олжас Бектенов екінші атом электр станциясын салу туралы ҚР Үкіметінің 2026 жылғы 26 қаңтардағы № 40 қаулысына қол қойды. Станция Алматы облысының Жамбыл ауданында орналасатын болады. Қытайлық СNNC Қазақстанда тағы бір АЭС салу жөніндегі консорциумның көшбасшысы болуы мүмкін.
2025 жылғы 8 тамызда Алматы облысының Үлкен ауылында АЭС салу жобасы бойынша алғашқы жұмыстар – оңтайлы алаңды таңдау және жобалық құжаттаманы дайындау үшін инженерлік ізденістер басталды. «Росатом» компаниясы оның құрылысы жобасы бойынша халықаралық консорциумның көшбасшысы ретінде айқындалды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
