• Басты бет
• Экономика
• Наурызда қайта тіркеуден өткен көліктердің 60%-дан астамының шыққанына 10 жылдан асқан

Наурызда қайта тіркеуден өткен көліктердің 60%-дан астамының шыққанына 10 жылдан асқан

Шығарылған жылы үш жылдан аспайтын автокөліктердің үлесі 24%-ды құрады

Наурыз айында Қазақстанда 170 мың бірлік автокөлік құралы есепке қойылды, деп хабарлайды Kapital.kz іскерлік ақпарат орталығы Ұлттық статистика бюросының баспасөз қызметіне сілтеме жасап.

Статистика ведомствосы нақтылағандай, наурызда қайта тіркеуден өткен автомобильдердің 63%-ының шыққанына 10 жылдан асқан, шығарылған жылы үш жылдан аспайтын автокөліктердің үлесі 24%-ды құрады.

2026 жылғы 1 сәуірдегі жағдай бойынша Қазақстанда тіркелген автокөлік құралдарының саны 5 955,8 мың бірлікті құрады, оның ішінде 83,9%-ы – жеңіл автомобильдер, 8,2%-ы – жүк көліктері, 4,4%-ы – тіркемелер, 1,5%-ы – автобустар, мотоциклдер – 1,2% және 0,8%-ы – басқалары.

Пайдаланылатын отын түрі бойынша көліктің 80%-ы бензинмен жүреді, аралас отынмен жүретін көліктердің үлесі – 6,6%, дизель отынымен – 7,6%, көліктің жалпы санында газбалонды отынның үлесі 0,4%-ды құрады, тағы 31 100 бірлік көлік электр қуатымен жүреді және бұл автокөліктердің жалпы санының 0,5%-ын құрайды.

Сонымен қатар тіркелген көлік құралдарының жалпы санынан ең көп үлесті (35,6%) қозғалтқыш көлемі 1500-ден 2000 текше см-ге дейінгілер құрайды, қозғалтқыш көлемі 1500 текше см-ге дейінгілер – 25,3%, қозғалтқыш көлемі 2000-нан 2500 текше см-ге дейінгілер – 14,7%, қозғалтқыш көлемі 2500-ден 4000 текше см-ге дейінгілер – 12,8%, 4000 текше см-ден жоғары – 8,6%. Өңірлер бөлінісінде тіркелген автомобильдер саны бойынша Алматы – 723,5 мың бірлік, Алматы облысы – 642,7 мың бірлік және Астана – 452,1 мың бірлік көш бастап тұр. Ұлттық статистика бюросы ұсынылған цифрлар Ішкі істер министрлігінің мәліметтеріне сүйенетінін атап өтті.

Айта кетейік, бұған дейін сарапшылар Қазақстандағы әрбір жаңа автомобильге алты ескі көліктен келетінін хабарлаған болатын.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз